CIES လို့ခေါ်တဲ့ ဘောလုံးသုတေသနအဖွဲ့ရဲ့ ထုတ်ပြန်ချက်အရ အင်္ဂလန်ကွင်းလယ်လူ ဘယ်လင်ဂမ်က ကမ္ဘာ့တန်ဖိုးအမြင့်မားဆုံးကစားသမားအဖြစ် သတ်မှတ်ခံရပါတယ်။ အသက် ၁၉ နှစ်ပဲ ရှိသေးတဲ့ ဒေါ့မွန်ကွင်းလယ်ကြယ်ပွင့်ရဲ့ တန်ဖိုးကို ပေါင် ၁၈၄ သန်း သတ်မှတ်ခဲ့ပြီး ပီအက်စ်ဂျီတိုက်စစ်မှူး အမ်ဘာပေနဲ့ မန်စီးတီးတိုက်စစ်မှူးဟာလန်းတို့ကို ကျော်ဖြတ်ခဲ့တာပါ။
ဒုတိယတန်ဖိုးအမြင့်ဆုံး ကစားသမားကလည်း အင်္ဂလန်တိုက်စစ်ကစားသမား ဖီးလ်ဖိုဒန်ဖြစ်ပြီး ပေါင် ၁၇၇ သန်းခွဲ တန်ဖိုး သတ် မှတ်ခံရတာပါ။
အဲဒီနောက် အမ်ဘာပေက ပေါင် ၁၆၈ ဒသမ ၇ သန်းနဲ့ တတိယ၊ ဗင်နီဆီးယက်စ်က ပေါင် ၁၆၈ သန်းခွဲနဲ့ စတုတ္ထ၊ ဟာလန်းက ပေါင် ၁၅၄ ဒသမ ၈ သန်းနဲ့ ပဉ္စမနေရာတွေမှာ အသီးသီး ရပ်တည်ခဲ့ပါတယ်။
ဒီလိုတန်းဖိုးသတ်မှတ်ရာမှာ ကစားသမားရဲ့လုပ်ခလစာ၊ မိခင်ကလပ်အသင်းရဲ့ စွမ်းဆောင်ရည်နဲ့ စာချုပ်သက်တမ်း ကျန်ရှိမှုကာလတို့ကို အခြေခံပြီး တွက်ချက်ခဲ့တာလို့ CIESက ထုတ်ပြန်ခဲ့ပါတယ်။
ထိပ်ဆုံး ကစားသမား ၅ ယောက်ရဲ့အပြင်ဘက်မှာတော့ ဘာစီလိုနာကွင်းလယ်အတွဲဖြစ်တဲ့ ပတ်ဒရီနဲ့ ဂါဘီ၊ ဘိုင်ယန်က မူဆီယာလာတို့ပါဝင်ပါတယ်။ ထိပ်ဆုံး အယောက် ၁၀၀ စာရင်းမှာ အင်္ဂလန်ကစားသမား ၁၄ ယောက် အထိပါဝင်ခဲ့ပါတယ်။
