မန္တလေးမြို့၊ မဟာအောင်မြေမြို့နယ် ၃၆ လမ်း နဲ့ ၆၁ လမ်းထောင့် စိန်ဂျွန်းဘုရားရှိခိုးကျောင်းရှိ အောက်ဆီဂျင်အခမဲ့စင်တာမှာ ဇူလိုင် ၁၁ ရက်က အောက်စီဂျင်ဖြည့်ဖို့ ပြည်သူတွေ စောင့်ဆိုင်းနေကြရပါတယ်။
ဒီအောက်ဆီဂျင် အခမဲ့စင်တာကို ပရဟိတသမားတစ်ဦးဖြစ်တဲ့ မင်းကွန်းသားလေးနှင့် စိန်ဂျွန်းလူမှုကူညီရေးအသင်းတို့ ပူးပေါင်းပြီး အခမဲ့ကုသိုလ်ပြုနေတာ ဖြစ်ပါတယ်။
ကိုဗစ်လူနာတွေရဲ့ အဓိက လိုအပ်ချက်ဖြစ်တဲ့ အောက်ဆီဂျင်တွေကို အခမဲ့ ကုသိုလ်ပေးနိုင်အောင် အခုလို အောက်ဆီဂျင် အခမဲ့စင်တာဖွင့်လှစ်ထားတာဖြစ်ပြီး ဇူလိုင် ၁၀ ရက်က အောက်ဆီဂျင် အိုးသေး အိုးလတ် အလုံးရေ ၂၀၀ နီးပါးကို လေဖြည့်ကုသိုလ်ပြုပေးနိုင်ခဲ့ပါတယ်။
မန္တလေးမြို့ခံ ပရဟိတအသင်းနဲ့ လူမှုကူညီရေးအသင်းတချို့မှာလည်း အောက်ဆီဂျင် ဖြည့်ပေးတာတွေ လုပ်ဆောင်ပေးနေတာတွေလည်းရှိပါတယ်။
မြန်မာနိုင်ငံမှာ ကိုဗစ်အတည်ပြုလူနာတွေ မြင့်တက်လာနေသလို လူနာတွေအတွက် အောက်စီဂျင်ရှားပါးပြတ်လပ်နေပြီး စစ်ကောင်စီက ဖြည့်ဆည်းမပေးနိုင်တဲ့ အတွက် ပရဟိတအသင်းတွေက ကူညီလုပ်ဆောင်နေတာဖြစ်ပါတယ်။
Photo - မင်းကွန်းသားလေး
အူလာယူကျောက်တောင်ပေါ်ကို တောင်တက်ခွင့်မပေးဖို့ ဒေသခံတိုင်းရင်းသားတွေက ဆယ်စုနှစ်ချီ တောင်းဆိုပြီးနောက် အခုလို တားမြစ်သွားမှာ ဖြစ်ပါတယ်။
အူလာယူကျောက်တောင်ရဲ့ မူလရိုးရာ ပိုင်ရှင်တွေကတော့ အန်နန်ဂူတိုင်းရင်းသားတွေ ဖြစ်ပြီး တောင်တက်ခွင့် ပိတ်ပင်ဖို့ သူတို့ဟာ ၁၉၈၅ ခုနှစ်ကတည်းက သြစတြေးလျအစိုးရကို တောင်းဆိုခဲ့တာပါ။
အန်နန်ဂူတိုင်းရင်းသားတွေက သူတို့ရဲ့ ဘိုးဘေးတွေ လက်ခံယူဆခဲ့တဲ့အတိုင်း အူလာယူ ကျောက်တောင်ဟာ သူတို့အဖို့ လေးနက်တဲ့ ဘာသာရေး သက်ဝင်ယုံကြည်မှု ရှိတယ်လို့ ပြောပါတယ်။
အမြင့်ပေ ၁၁၄၂ ပေ ရှိတဲ့ အူလာယူကျောက်တောင်ဟာ ယူနက်စကိုအဖွဲ့ အသိအမှတ်ပြု ကမ္ဘာ့အမွေအနှစ်စာရင်းဝင်ဖြစ်ပြီး သြစတြေးလျနိုင်ငံရဲ့ ခရီးသွားတွေကို ဆွဲဆောင်တဲ့ ထိပ်တန်း နေရာတခုလည်း ဖြစ်ပါတယ်။
အဲဒီကျောက်တောင်ဆီကို အခုနှစ် ဇွန်လကုန်အထိ ခရီးသွား လေးသိန်းနီးပါး လာရောက် လည်ပတ်ခဲ့ကြတယ်လို့ အစိုးရ အချက်အလက်တွေက ဖော်ပြပါတယ်။
