စစ်ကိုင်းတိုင်း၊ ကသာမြို့နယ်မှာ အကြမ်းဖက်စစ်ကောင်စီခန့် ရပ်ကွက်/ကျေးရွာအုပ်ချုပ်ရေးမှူး ၁၂ ဦး အောက်တိုဘာ ၄ ရက်က တပြိုင်တည်း နုတ်ထွက်စာ တင်ခဲ့ကြတယ်လို့ သိရပါတယ်။

ကျေးရွာအုပ်စုတွေအတွင်း ကျေးရွာတာဝန်ခံတွေ၊ ရာအိမ်မှူးတွေ နုတ်ထွက်နေကြပြီး ပုဂ္ဂိုလ်ရေးလုံခြုံမှု မရှိတော့သလို ကျေးရွာရဲ့ စီမံခန့်ခွဲမှုလုပ်ငန်းတာဝန်တွေ လုပ်ဆောင်ရာမှာ အခက်အခဲရှိတာကြောင့် နုတ်ထွက်ခွင့်ပြုဖို့ ကသာမြို့နယ်အထွေထွေအုပ်ချုပ်ရေးဦးစီးဌာနကို အသီးသီး စာတင်ထားကြတာဖြစ်ပြ

ကသာမြို့နယ်အတွင်းမှာ အင်းကျေးရွာအုပ်စုက ဦးမြသိန်း၊ အင်းကြီးကျေးရွာအုပ်စုက ဦးမောင်ထွန်း၊ ဝက်တူးရွာက ဦးစိုးခိုင်၊ ကျောက်ထုံးကြီးက ဦးမန်းတင်၊ ငါးတဲ့ကျေးရွာက ဦးထွန်းလှ၊ ပုလွေရွှေကျေးရွာက ဦးမန်းထွန်း၊ ကူးကာကျေးရွာက ဦးဇော်လွင်၊ ဘွတ်ကျေးရွာက ဦးမောင်ထွေး၊ ကေားကုန်းကျေးရွာက ဦးမြင့်စိုး၊ ဒိုးပင်ကျေးရွာက ဦးမြင့်ဝေ၊ ဆိပ်သာကျေးရွာက ဦးကျော်တင်၊ ဒုံးအော့ကျေးရွာက ဦးအောင်ကျော်မိုး စတဲ့ ရပ်ကွက်/ကျေးရွာ အုပ်ချုပ်ရေးမှူးတွေ အောက်တိုဘာလ ၄ ရက်နေ့က တစ်ပြိုင်တည်း နုတ်ထွက်ခဲ့ကြတာပါ။

ကသာမြို့နယ်မှာ ရပ်ကွက် ၁၀ ရပ်ကွက်၊ ကျေးရွာအုပ်စု ၄၀ ရှိပြီး ရပ်ကွက်/ကျေးရွာအုပ်ချုပ်ရေးမှူး ၁၂ ဦး နုတ်ထွက်ခဲ့တာဖြစ်ပါတယ်။ 

ကျန်ရပ်ကွက်/အုပ်ချုပ်ရေးမှူးတွေ နုတ်ထွက်ကြဖို့ ပြင်ဆင်နေကြတယ်လို့ သိရပါတယ်။

စစ်ကိုင်းတိုင်းအတွင်းရှိ ဒေသ PDF တပ်ဖွဲ့တွေကလည်း စစ်ကောင်စီခန့် ရပ်ကွက်/ကျေးရွာ အုပ်ချုပ်ရေးမှူးတွေ နုတ်ထွက်ကြဖို့ သတိပေးထားပြီး သုတ်သင်ရှင်းလင်းတာတွေလည်း ပြုလုပ်နေကြတာပါ။