close

တရားရုံး

close

November 9, 2022

ပေါက်မြို့နယ် တရားရုံးတွင် လုံခြုံရေးယူနေသည့် ရဲတပ်ဖွဲ့ဝင်များ တိုက်ခိုက်ခံရ

မကွေးတိုင်း၊ ပေါက်မြို့နယ် တရားရုံးဝင်းအတွင်းမှာ နိုဝင်ဘာ ၉ ရက် နေ့လယ်ပိုင်းက စစ်ကောင်စီလက်အောက်ခံ ရဲတပ်ဖွဲ့ဝင်တွေ တိုက်ခိုက်ခံရပြီး ထိခိုက်သေဆုံးသူ ရှိနိုင်တယ်လို့ မြိုင် ပ.က.ဖ ကနေ သိရပါတယ်။

ပေါက်မြို့တရားရုံးမှာ ရုံးထုတ် လုံခြုံရေးတာဝန်ကျနေတဲ့ ရဲတွေကို ဒီနေ့  မွန်းလွဲ ၁၂ နာရီကျော်လောက်မှာ မြိုင် ပ.က.ဖ တပ်ရင်း-၁ က လက်ပစ်ဗုံးတွေ၊ လက်နက်ငယ်တွေနဲ့ ပစ်ခတ်တိုက်ခိုက်ခဲ့လို့ ရဲ ၄ ယောက်လောက် ထိမှန်ပြီး သေဆုံးဒဏ်ရာရသူ ရှိနိုင်တယ်လို့ မြိုင် ပ.က.ဖ တပ်ရင်း-၁ တပ်ရင်းမှူး ဗိုလ်လက်ယာက ဒီဗွီဘီကို ပြောပါတယ်။

“အဲဒီလိုတိုက်ခိုက်ရာမှာ ကျနော်တို့ဘက်က ရဲဘော်တွေက အချုပ်သားတွေ ထိခိုက်မှုမရှိအောင် တရားရုံးအချုပ်ထဲမှာ အချုပ်သားတွေကို ချုပ်ထားပြီးမှ အချုပ်ဘေးမှာရှိနေတဲ့ ရဲတွေကို လက်ပစ်ဗုံး၊ လက်နက်ငယ်တွေနဲ့ ပစ်ခတ်တိုက်ခိုက်ခဲ့တာ။”

အဲဒီပစ်ခတ်တိုက်ခိုက်မှု ဖြစ်ပြီးနောက် ပေါက်မြို့ အဝင်အထွက်ဂိတ်တွေကို စစ်ကောင်စီတပ်နဲ့ ရဲတွေ ပူးပေါင်းပြီး ဆိုင်ကယ်တွေ၊ ကားတွေကို ပိတ်ဆို့စစ်ဆေးတာတွေ ပြုလုပ်နေပြီး မြိုင် ပ.က.ဖ တပ်ရင်း-၁ က ရဲဘော်တွေ အထိအခိုက် အကျအဆုံးမရှိဘဲ ဆုတ်ခွာနိုင်ခဲ့ကြတယ်လို့ ဆိုပါတယ်။

နှစ်ဖက်တိုက်ပွဲအတွင်းမှာ စစ်ကောင်စီဘက်က ထိခိုက်သေဆုံးတဲ့ အခြေအနေကို ဒီဗွီဘီက သီးခြားအတည်မပြုနိုင်သေးသလို စစ်ကောင်စီဘက်ကလည်း သတင်းထုတ်ပြန်ထားတာ မတွေ့ရသေးပါဘူး။

13 hours Ago

August 1, 2020

ဖခင်အား သတ်ဖြတ်ခဲ့သည့် ညီအစ်မ ၂ ဦးကို မော်စကို တရားရုံးတွင် တံခါးပိတ်ကြားနာ

ဖခင်ကို သတ်ဖြတ်မှုနဲ့ တရားစွဲခံထားရတဲ့ ညီအမ ၃ ယောက်ထဲက နှစ်ယောက်ကို ရုရှားနိုင်ငံ မော်စကိုမြို့ တရားရုံးမှာ ဇူလိုင် ၃၁ ရက်က တံခါးပိတ် ကြားနာပွဲ လုပ်ခဲ့ပါတယ်။ အသတ်ခံရသူရဲ့ ဆွေမျိုး ခုခံလျှောက်လဲသူက ဒီအမှုကို ကိုယ့်ကိုယ်ကိုယ် ကာကွယ်မှုအစား သတ်ဖြတ်မှု နောက်ကွယ်က အကြောင်းရင်းကို ဖော်ထုတ်ဖို့ အစိုးရ ရှေ့နေရုံးကို တောင်းဆိုပါတယ်။  ညီအမ နှစ်ယောက်ထဲက တယောက်ရဲ့ ရှေ့နေကတော့ ဒီမိန်းကလေးတွေမှာ သူတို့ကိုယ်သူတို့ ကာကွယ်ဖို့ ဖိအားပေးခံရတာကလွဲရင် ဖုံးကွယ်ထားတဲ့ အကြောင်းရင်း မရှိဘူးလို့ ရိုက်တာ သတင်းဌာနကို ပြောပါတယ်။ ကိုယ့်ကိုယ်ကိုယ် ကာကွယ်တာလို့ ယုံကြည်လို့ ညီအမ ၃ ယောက်ကို ထောက်ခံသူတွေက တရားရုံးပြင်ပမှာ စုရုံးခဲ့ပြီး လွတ်လပ်ရေး၊ လူသတ်မှု မဟုတ်ဘူး ကာကွယ်မှု စတဲ့ ကြွေးကြော်သံတွေကို ဟစ်ကြွေးခဲ့ကြပါတယ်။ ၂၀၁၇ ခုနှစ်က ခရစ္စတီးနား မာရီယာနဲ့ အိန်ဂျလီနာတို့ ညီအစ်မ ၃ ယောက်ဟာ အသက် ၅၇ နှစ်အရွယ် ဖခင် အိပ်နေတဲ့ အခန်းထဲဝင်ပြီး ငရုတ်ကောင်းရည်၊ ဓား နဲ့ တူတို့ကို သုံးပြီး တိုက်ခိုက် သတ်ဖြတ်ခဲ့ပါတယ်။  အဖေကို သတ်ပြီး ညီအစ်မ ၃ ယောက်စလုံးက ရဲကို ဖုန်းဆက် ခေါ်ခဲ့ကြတာပါ။  အစောပိုင်းမှာ အဖေက တိုက်ခိုက်လို့ ကာကွယ်တဲ့အနေနဲ့ သတ်တာလို့ ပြောခဲ့ပေမယ့် နောက်ပိုင်းမှာတော့ ထွက်ဆိုချက် မမှန်ကြောင်း တွေ့ခဲ့ကြပါတယ်။ ဒါပေမဲ့ သူတို့ ညီအမ ၃ ယောက်စလုံးဟာ သူတို့အဖေရဲ့ စနစ်တကျ ရိုက်နှက်တာ၊ အကြမ်းဖက်ကာမ အလွဲသုံးစား လုပ်တာတွေ အပါအဝင် နှိပ်စက်မှုတွေကို နှစ်ချီ ခံခဲ့ရတယ်လို့ စုံစမ်းစစ်ဆေးမှုဆိုင်ရာ စာရွက်စာတမ်းတွေကို ကိုးကားပြီး ရိုက်တာ သတင်းဌာနမှာ ဖော်ပြပါတယ်။ ၂၀၁၇ ခုနှစ်မှာ ရုရှားဟာ အိမ်တွင်းအကြမ်းဖက်မှု ပုံစံတချို့ကို ရာဇဝတ်မှု အဖြစ်ကနေ ပယ်ဖျက်ခဲ့ပါတယ်။ ဒါကြောင့် မိသားစုဝင် တယောက်ကို သွေးထွက် စုတ်ပြတ်တဲ့အထိ ရိုက်နှက်တဲ့လူကို တနှစ်တကြိမ်ထက် ပိုမရိုက်ခဲ့ရင် အမြင့်ဆုံး ပြစ်ဒဏ်အဖြစ် ဒဏ်ငွေသာ ချမှတ်နိုင်ပါတယ်။
2 years Ago
Up