တရုတ်သမ္မတ ရှီကျင့်ဖျင် အာဏာရတဲ့ ဆယ်စုနှစ်အတွင်း မကြုံစဖူး ဖြစ်ပွားခဲ့တဲ့ ဆန္ဒပြပွဲတွေဟာ ရဲတပ်ဖွဲ့ရဲ့ ရက်ပိုင်းအတွင်း ဖြိုခွင်းတာ ခံခဲ့ရပေမဲ့ ကိုဗစ်ကပ်ဘေး ထိန်းချုပ်ရေးအတွက် သုံးနှစ်ကြာ ကန့်သတ်ချုပ်ချယ်မှုကို အမြန်အဆုံးသတ်စေရေး အထောက်အပံ့ဖြစ်စေခဲ့တယ်လို့ သတင်းရင်းမြစ်တွေက ရိုက်တာ သတင်းဌာနကို ပြောပါတယ်။

ဘွဲ့လွန်အတွက် ပညာသင်ကြားနေတဲ့ ဟွမ်ယိချောင်ဟာ ပြီးခဲ့တဲ့ နိုဝင်ဘာလက တရုတ်နိုင်ငံရဲ့ မြို့အများအပြားမှာ ပျံ့နှံ့ခဲ့တဲ့ ကိုဗစ်-၁၀ ကန့်သတ်ထိန်းချုပ်မှုတွေကို အဆုံးသတ်ဖို့ တောင်းဆိုတဲ့ ဆန္ဒပြပွဲများစွာထဲက တခုမှာပါဝင်ခဲ့စဉ် ရှန်ဟိုင်းမှာ ရဲတွေဖမ်းတာ ခံရပြီးမှ လွတ်မြောက်ခဲ့ပါတယ်။

အဖမ်းခံရပြီး လေးလအကြာမှာ အသက် ၂၆ နှစ်အရွယ် ဟွမ်ဟာ ဂျာမနီနိုင်ငံဆီ ထွက်ပြေးခဲ့ပြီး ထိန်းသိမ်းခံနေရတဲ့ ဆန္ဒပြသူငယ်ချင်းတွေကို ထောက်ခံပြောဆိုဖို့ ဆုံးဖြတ်ခဲ့ပါတယ်။

ဆန္ဒပြသူအများစုဟာ ခြိမ်းခြောက်မှုအောက်မှာ နှုတ်ဆိတ်သွားပြီးနောက် ဟွမ်ဟာ သူ့နာမည်ကို လူသိရှင်ကြား ထုတ်ဖော်ပြသတဲ့ ပထမဆုံးသူတွေထဲက တစ်ဦးဖြစ်လာပါတယ်။

အူရမ်းကီမြို့က လူသေဆုံးခဲ့တဲ့ တိုက်ခန်းမီးလောင်မှုကြောင့် ကိုဗစ်-၁၉ ကန့်သတ်ချက်တွေအပေါ် ပြည်လုံးကျွတ်ဆန္ဒပြပွဲတွေ ဆုတောင်းပွဲတွေ ပေါ်ပေါက်ခဲ့တာပါ။

ရှန်ဟိုင်းမြို့လယ်က ဆန္ဒပြသူ ၄၀၀ - ၅၀၀ လောက်ဟာ နိုဝင်ဘာ ၂၇ ရက် ညနေခင်း ဆန္ဒပြပွဲတွေရဲ့ အစပိုင်းမှာ ငြိမ်းငြိမ်းချမ်းချမ်း ဆန္ဒပြခဲ့ကြပေမဲ့ သူတို့ထဲက တစ်ယောက် မကျေနပ်မှု သင်္ကေတအဖြစ် စာရွက်ဗလာတွေကို ကိုင်ဆောင်ရင်း ကြွေးကြော်သံတွေ ဟစ်ကြွေး ဆန္ဒပြခဲ့ကြပါတယ်။

ဒါပေမဲ့ ညမိုးချုပ်ပြီးနောက် ရဲတပ်ဖွဲ့က ဆန္ဒပြသူတွေကို ကြမ်းကြမ်းတမ်းတမ်း ဖမ်းဆီးခဲ့ပါတယ်။

ဟွမ်က “ကျနော် မှောက်ခုံမှောက်ကျသွားပြီး မေးစေ့က မြေပြင်နဲ့ သမံတလင်းပေါ်မှာ ရှိနေပါတယ်။ ကျနော့်ဖိနပ်နဲ့ မျက်မှန်တွေက လမ်းပေါ်မှာ ပျောက်သွားပါတယ်။ အဲဒီတစ်မိနစ်က ကျနော့်ဘဝမှာ အကြောက်ဆုံးအချိန်ပါပဲ”လို့ ပြောပါတယ်။

ဆန္ဒပြသူ အမျိုးသမီး အများအပြားကို ရဲတွေက ပါးရိုက်ပြီး ရိုက်နှက်တာကို တွေ့ခဲ့ရပြီး ပရမ်းပတာ အခြေအနေ ကြားထဲမှာ သတိမပြုမိချိန် ဟွမ်ဟာ ခိုးထွက်နိုင်ခဲ့ပါတယ်။

လမ်းမှာ ဟွမ်က တက္ကစီတစ်စီးကို တားနိုင်ခဲ့ပြီး သူ့ကို ဆန္ဒပြနေရာနဲ့ ဝေးရာ လုံခြုံတဲ့နေရာဆီ ခေါ်ဆောင်သွားမယ့် အသိမိတ်ဆွေတစ်ဦးကို ဆုံတွေ့ခဲ့ပါတယ်။

ဆန္ဒပြပွဲတွေ ငြိမ်သက်သွားပြီးတဲ့နောက် ဟွမ်ဟာ သိုသိုသိပ်သိပ် နေခဲ့ပြီး ဂျာမနီနိုင်ငံဆီ ပြည်ဝင်ခွင့်ရဖို့ စောင့်နေချိန်မှာ အဖမ်းခံရမှာ ကြောက်နေခဲ့တယ်လို့ ပြောပါတယ်။

မတ်လနှောင်းပိုင်းမှာ တရုတ်နိုင်ငံကနေ ပြန်ထွက်ခွာခဲ့ပါတယ်။ နိုင်ငံတဝန်းရှိ မြို့ကြီးတွေက ရာနဲ့ချီတဲ့ဆန္ဒပြပွဲတွေ ပေါ်ပေါက်ပြီးနောက် ချက်ချင်းဆိုသလိုပဲ ရဲတပ်ဖွဲ့က ပါဝင်သူ ဒါဇင်ပေါင်းများစွာကို စစ်ဆေးမေးမြန်း ထိန်းသိမ်းခဲ့တယ်လို့ လူ့အခွင့်အရေးအဖွဲ့၊ ရှေ့နေတွေ၊ ထိန်းသိမ်းခံတွေရဲ့ သူငယ်ချင်းတွေက ပြောခဲ့ကြပါတယ်။

ကမ္ဘာ့အပြင်ဘက် တရုတ် ‘တင်ဟာ အကာသယာဉ်စခန်း’ (Tianhe space station)  က အာကာသယာဉ်မှူးတွေက ဒီဇင်ဘာ ၉ ရက်မှာ တရုတ်တနိုင်ငံလုံးရှိ ကျောင်းသားတွေကို သိပ္ပံပညာ သင်ကြားပေးခဲ့ပါတယ်။ 

အာကာသသိပ္ပံအကြောင်း အပြန်အလှန်ဆွေးနွေးသင်ကြားတဲ့ စာသင်ခန်းပုံစံကို တရုတ်နိုင်ငံပိုင် ရုပ်သံတွေကနေ တိုက်ရိုက် လွှင့်ပြခဲ့ပါတယ်။ 

အာကာသယာဉ်မှူး တရုတ်အမျိုးသားနှစ်ဦးနဲ့ အမျိုးသမီးတစ်ဦးတို့က တင်ဟာ အာကသယာဉ်ရဲ့ ခရီးစဉ်၊ သူတို့ရဲ့ အာကာသထဲနေထိုင်မှု၊ ကမ္ဘာ့ဆွဲငင်အား သုညအခြေအနေမှာ သိပ္ပံစမ်းသပ်မှု အချို့ကို သရုပ်ပြသင်ကြားခဲ့ပါတယ်။

တရုတ်က အာကာသထဲမှာ အမြဲတမ်းထားရှိနိုင်မယ့် Module သုံးခုပါ ကမ္ဘာ့အကြီးဆုံး တင်ဟာ အကာသယာဉ်ကို တည်ဆောက်ခဲ့ပြီး ဧပြီလက လွှတ်တင်ခဲ့ပါတယ်။ 

အမေရိကန် NASA နဲ့ နိုင်ငံတကာ အာကာသစခန်း (ISS) တို့က အာကာသ ပူးပေါင်းဆောင်ရွက်မှုဥပဒေအရ တားမြစ်ခဲ့ပေမဲ့၊ တရုတ်တို့က ပြီးခဲ့တဲ့ဆယ်စုနှစ်အတွင်း နည်းပညာဖွံ့ဖြိုးမှုတွေနဲ့ ကိုယ်ပိုင်အာကာသယဉ်ကို တည်ဆောက်ခဲ့ပါတယ်။ 

လွန်ခဲ့တဲ့နှစ်အနည်းငယ်က ISS အာကာသစခန်းကို ရပ်နားခဲ့တာကြောင့် တရုတ်အာကာသာ စခန်းဟာ ကမ္ဘာ့ပတ်လမ်းထဲမှာ တခုတည်းသော အာကာသစခန်းဖြစ်ပါတယ်။