အမေရိကန်သမ္မတ ဂျိုးဘိုင်ဒင်ဟာ လာမယ့်ရက်ပိုင်းအတွင်း တရုတ်သမ္မတ ရှီကျင့်ဖျင်နဲ့ ဆွေးနွေးဖို့ စီစဉ်ထားပါတယ်။
“နောက် ၁၀ ရက်အတွင်း သမ္မတ ရှီနဲ့ စကားပြောဖြစ်မယ်ထင်တယ်” လို့ ဘိုင်ဒင်က မက်ဆာချူးဆက်ပြည်နယ်အတွင်း ရာသီဥတုဆိုင်ရာ ခရီးစဉ်ကနေ ပြန်လာချိန် ဇူလိုင် ၂၀ ရက်က သတင်းထောက်တွေကို ပြောပါတယ်။
ထိုင်ဝမ်ရဲ့ အနေအထားနဲ့ ပတ်သက်ပြီး ဆက်ပြီးတင်းမာနေတဲ့ အရေးပါတဲ့ အခိုက်အတန့်မှာ ခေါင်းဆောင်နှစ်ဦးကြား ဖုန်းခေါ်ဆိုဖို့ ကာလရှည်ကြာ စီစဉ်ထားခဲ့တာပါ။
အမေရိကန် စားသုံးသူတွေအပေါ် သက်ရောက်နေတဲ့ ငွေကြေးဖောင်းပွမှု ဖိအားကို လျှော့ချပေးဖို့ ဘိုင်ဒင်အစိုးရက တရုတ်နိုင်ငံကနေ တင်သွင်းတဲ့ ကုန်ပစ္စည်းတွေအပေါ် အခွန်နှုန်းထားတွေကို သိသိသာသာ လျှော့ချပေးမယ့် အရေးကြီးအခိုက်အတန့်ဖြစ်ပါတယ်။
လာမယ့်လမှာ ထိုင်ဝမ်ကျွန်းဆီသွားဖို့ အောက်လွှတ်တော်ဥက္ကဋ္ဌ နန်စီ ပေလိုစီက စီစဉ်ထားတယ် ဆိုတဲ့သတင်းတွေကိုလည်း သံသယဝင်တယ်လို့ဘိုင်ဒန်က ပြောပါတယ်။
"ဒါဟာ အကြံကောင်းမဟုတ်ဘူးဆိုတာ စစ်တပ်က သိတယ်လို့ ကျနော်ထင်ပါတယ်။ ဒါပေမဲ့ အခြေအနေက ဘယ်လိုလဲဆိုတာ ကျနော် မသိပါဘူးလို့ ဘိုင်ဒန်က ပြောပါတယ်။
