"Cat man" လို့ သိကြတဲ့ အစ္စရေးနိုင်ငံသားဟာ လူသတ်မှု ၂ မှုအတွက် အပြစ်ရှိကြောင်း တွေ့ရလို့ အာဂျင်တီးနားနိုင်ငံမှာ နိုဝင်ဘာ ၃ ရက်က ထောင်ဒဏ်တသက်တကျွန်း ပြစ်ဒဏ် ကျခံခဲ့ရပါတယ်။
အာဂျင်တီးနားနိုင်ငံမှာ ၂၀၀၉ ခုနှစ်တည်းက နေထိုင်တဲ့ အစ္စရေးနိုင်ငံသား နီကိုးလပ်စ်ဂီလ် ပေရက်ဂ်ဟာ သူ့အမေနဲ့ အဒေါ်ကို မန်ဒိုဇာမြို့မှာ ၂၀၁၉ ဇန်နဝါရီလက သတ်ခဲ့တယ်ဆိုပြီး စွပ်စွဲခံရလို့ တရားရင်ဆိုင်နေရတာပါ။
အသက် လေးဆယ်အရွယ် သံသယရှိသူဟာ မန်ဒိုဇာမြို့က တရားရုံးမှာ ငိုခဲ့လို့ ကြောင်လူသား အဖြစ် နာမည်ပြောင်ရခဲ့အပြီး အောက်တိုဘာ ၂၆ ရက်က တရားရုံးကြားနာမှု အနှောင့်အယှက်ဖြစ်ခဲ့ပါတယ်။
နောက်ပိုင်းမှာ လူ ၁၂ ယောက်ပါပြီး ကျော်ကြားတဲ့ ခုံသမာဓိအဖွဲ့က သူ့မှာ လူသတ်မှုနဲ့ အပြစ်ရှိကြောင်း တညီတညွတ်တည်း ကြေညာခဲ့ပါတယ်။
ဂီလ် ပေရပ်ဂ်ဟာ စစ်သားဟောင်းနဲ့ အီလက်ထရောနစ် အင်ဂျင်နီယာ ဖြစ်ပြီး အစ္စရေးနိုင်ငံမှာ မွေးဖွားခဲ့သူပါ။
အာဂျင်တီးနားနိုင်ငံ မန်ဒိုဇာမြို့မှာ စားသောက်ဆိုင် ဖွင့်ဖို့ ၂၀၀၉ ခုနှစ်မှာ ရောက်လာခဲ့ပါတယ်။
ပေရဂ်ရဲ့ မိခင်နဲ့ အဒေါ်တို့ဟာ ၂၀၁၉ ဇန်နဝါရီ ၁၂ ရက်မှာ သူ့ဆီကို သွားရောက် လည်ပတ် ခဲ့ကြပါတယ်။
၂၀၁၉ ဇန်နဝါရီ ၂၆ ရက်မှာတော့ ပေရဂ်ရဲ့ အိမ်မှာ မြေကြီးတွေ ကျောက်ခဲတွေနဲ့ ဖုံးထားတဲ့ တစစီ ဖြတ်တောက်ခံထားတဲ့ အမျိုးသမီး ၂ ယောက်ရဲ့ အလောင်းတွေကို လုံခြုံရေး တပ်ဖွဲ့ဝင်တွေက တွေ့ခဲ့ကြတာပါ။
