ဗီယက်နမ်နိုင်ငံကမ်းခြေဒေသကို တနင်္ဂနွေနေ့မှာ ဝင်ရောက်ခဲ့တဲ့ တိုက်ဖွန်းမုန်တိုင်း “ရိုင်း” ကြောင့် လူ ၁၀၀ ကျော် သေဆုံးခဲ့တယ်လို့ သိရပါတယ်။
မိုးသည်းထန်ပြီး လေပြင်းဒဏ်ခံရတာကြောင့် လူထောင်ပေါင်းများစွာဟာ ဘေးလွတ်ရာ ပြောင်းရွှေ့ နေရသလို တိုင်ဖွန်း ရိုင်း ဟာ ဒီနှစ်အတွင်း ဗီယက်နမ်အတွက် အဆိုးဆုံးကြုံရတဲ့ မုန်တိုင်းဖြစ်ခဲ့ပါတယ်။
ရိုင်းလို့ နာမည်ပေးထားတဲ့ တိုင်ဖွန်းမုန်တိုင်းဟာ ဗီယက်နမ်နိုင်ငံ ကမ်းရိုးတန်းဒေသကို ဒီဇင်ဘာ ၁၉ ရက်နေ့မှာ ဝင်ရောက်ခဲ့ချိန် လေပြင်းပြီး လှိုင်းထန်တာကြောင့် ငါးဖမ်းသမား ၁ ဦး သေဆုံးကာ၊ စက်လှေ ၅ စင်း နစ်မြုပ်သွားတယ်လို့ အစိုးရပိုင် ဗီတီဗီရုပ်မြင်သံကြားက ကြေညာပါတယ်။
တိုင်ဖွန်မုန်တိုင်း ဝင်ရောက်မယ့် ဒီဇင်ဘာ ၁၉ ရက်နေ့ ညနေကနေ ဒီနေ့ မနက်ပိုင်းအထိ ငါးဖမ်းလှေတွေ ပင်လယ်ဘက်မထွက်ဖို့ကိုလည်း အာဏာပိုင်တွေက သတိပေးချက် ထုတ်ပြန်ထားတာပါ။
အစိုးရပိုင် ရုပ်မြင်သံကြားမှာ ဗီယက်နမ်စစ်တပ်က ကမ်းခြေဒေသတွေမှာ သဲအိတ်တွေနဲ့တံတိုင်း လုပ်နေတာကိုလည်း ပြသပါတယ်။
ဗီယက်နမ်အတွက်ကတော့ ဒီနှစ်အတွင်း ၉ ကြိမ်မြောက် ကြုံရတဲ့ မုန်တိုင်း ဖြစ်ပါတယ်။
