ယူကရိန်းနဲ့ ရုရှား နှစ်ဖက်စေ့စပ်ညှိနှိုင်းရေးအဖွဲ့တွေ တူရကီနိုင်ငံ အစ္စတန်ဘူမြို့မှာ မတ် ၂၉ ရက်က မျက်နှာချင်းဆိုင် ဆွေးနွေးခဲ့ပြီး ထူးခြားတဲ့ တိုးတက်မှုတွေ ရှိတယ်လို့ တူရကီ နိုင်ငံခြားရေးဝန်ကြီး မာဗလွတ် ချာဗူဆိုလူက ပြောပါတယ်။
နှစ်ဖက်စလုံးက ပြဿနာအချို့အပေါ်မှာ ကတိကဝတ်တွေ ရရှိပြီး ဘုံနားလည်မှု ရရှိခဲ့တာကို ကြိုဆိုကြောင်းနဲ့ စစ်ပွဲ အမြန်ဆုံးရပ်ဖို့ ဆက်ဆွေးနွေးမယ်လို့ ဆိုပါတယ်။
ဒါပေမဲ့ ပိုမိုခက်ခဲတဲ့ ပြဿနာတွေကို နှစ်ဖက် နိုင်ငံခြားရေးဝန်ကြီးနှစ်ဦး မကြာခင် တွေ့ဆုံပြီး ဆက်ဆွေးနွေးသွားလိမ့်မယ်လို့ တူရကီ နိုင်ငံခြားရေးဝန်ကြီးက ပြောပါတယ်။
ရုရှားက ယူကရိန်းကို ကျူးကျော်မှု ရက်သတ္တပတ် ၅ ပတ်ထဲ ရောက်ရှိလာခဲ့ပြီးနောက် တူရကီမှာ နှစ်နိုင်ငံ ဆွေးနွေးရေးအဖွဲ့တွေ ပထမဆုံးအကြိမ် ကျယ်ကျယ်ပြန့်ပြန် မျက်နှာချင်းဆိုင် ဆွေးနွေးခဲ့တာပါ။
