စပိန်နိုင်ငံ၊ ပီကော့စ်ဒေယူရိုပါ တောင်တန်းဒေသက ကြမ်းတမ်းခက်ခဲတဲ့ တောင်ကြားလမ်း ရာယူကို အောင်အောင်မြင်မြင် တွယ်တက်နိုင်ခဲ့တဲ့ ပထမဆုံး အမျိုးသမီးအဖွဲ့အဖြစ် ကျောက်တောင်တက်သမား ၃ ယောက်ဟာ သမိုင်းဝင်သွားပါတယ်။
စာရှာဒီဂျူလီယံ၊ မာတီလ်ဒါ ဆာဒယ်လွန့်နဲ့ ဘရက်ဒယ်ဟာလင်တွန်တို့ ၃ ယောက်အဖွဲ့ဟာ ပေ ၂,၀၀၀ မြင့်တဲ့ လမ်းကြောင်းပေါ်ကို တက်ခဲ့တဲ့ ပထမဆုံး အမျိုးသမီးအဖွဲ့ ဖြစ်လာခဲ့တယ်လို့ ရက်ဒ်ဘူးလ်အဖွဲ့က ပြောပါတယ်။
အဆိုပါ တောင်တက်အမျိုးသမီး ၃ ယောက်ဟာ သေခြင်းတရားကို အံတုရင်း မတ်စောက်တဲ့ မျဉ်းလျှောစောက်ရှိတဲ့ တောင်စောင်းတွေနဲ့ ချွန်ထက်တဲ့ အစွန်းတွေကို ဖြတ်ကျော် တက်လှမ်းခဲ့ကြပါတယ်။
ရာယူတောင်တက်လမ်းဟာ စပိန်မြောက်ပိုင်းမှာရှိတဲ့ ပီကော့စ်ဒေ ယူရိုပါ အမျိုးသားဥယျာဉ် ထဲမှာရှိတဲ့ ပေညာ စန်တာဒေ ကာစတီယာ တောင်ထိပ်ရဲ့ တောင်ဘက်မျက်နှာစာမှာ ရှိပါတယ်။
