close

တောင်အာဖရိကအသင်း

close

November 16, 2021

ဂါနာကို ရှုံးနိမ့်ခဲ့သည့် ကမ္ဘာ့ဖလားခြေစစ်ပွဲ ပြန်ကစားပေးရန် တောင်အာဖရိကအသင်း တောင်းဆို

ဂါနာအသင်းကို ၁ ဂိုး ဂိုးမရှိနဲ့ ရှုံးနိမ့်ခဲ့တဲ့ပွဲမှာ ဒိုင်လူကြီး ဆုံးဖြတ်ချက်အပေါ် မကျေနပ်တဲ့အတွက် ပြန်ကစားပေးဖို့ တောင်အာဖရိကဘောလုံးအဖွဲ့ချုပ်က တောင်းဆိုထားပါတယ်။ 

အဲဒီပွဲစဉ်မှာ ဂါနာအသင်းက ပွဲချိန် ၃၃ မိနစ်မှာ ရရှိခဲ့တဲ့ ပင်နယ်တီဂိုးနဲ့ အနိုင်ရခဲ့ပြီး တောင်အာဖရိကနဲ့ ရမှတ်တူပေမယ့် ဂိုးကွာခြားချက်အရ ခြေစစ်ပွဲကနေထွက်ခဲ့ရတာပါ။ 

အဆိုပါပင်နယ်တီနဲ့ ပတ်သက်ပြီး ပြိုင်ပွဲကြီးကြပ်သူဆီကိုလည်း ကန့်ကွက်စာပေးထားပြီး အာဖရိကနဲ့ ကမ္ဘာ့ဘောလုံးအဖွဲ့ချုပ်တွေကိုလည်း တိုင်းကြားသွားမယ်လို့ တောင်အာဖရိကဘောလုံးအဖွဲ့ချုပ် အရာရှိချုပ် မော့လန်တီက ပြောပါတယ်။ 

“အဲဒီပင်နယ်တီက ဘယ်လိုမှသက်ဆိုင်တဲ့ဖြစ်ရပ် မဟုတ်တာကြောင့် လုယူခံလိုက်ရတယ်လို့ ကျနော်တို့ ခံစားရတယ်။ ခိုင်မာတဲ့သက်သေတွေ ရှိပြီး တခြားမမျှတတဲ့ ဆုံးဖြတ်ချက်တွေ အများကြီးကိုလည်း ကွင်းလယ်ဒိုင်က ဆုံးဖြတ်ခဲ့တယ်” လို့ မော့လန်တီက ပြောပါတယ်။ 

ဒါ့အပြင် ၂၀၁၈ ကမ္ဘာ့ဖလားခြေစစ်ပွဲဖြစ်တဲ့ ဆီနီဂေါနဲ့ ပွဲစဉ်ကို ပြန်ကစားပေးခဲ့ရသလို ဂါနာနဲ့ အခုပွဲစဉ်ကိုလည်း ပြန်ကစားပေးသင့်ကြောင်း မော့လန်တီက ပြောပါတယ်။ 

၂၀၁၈ ကမ္ဘာ့ဖလားခြေစစ်ပွဲမှာ တောင်အာဖရိကအသင်းက ဆီနီဂေါကို ၂ ဂိုး ၁ ဂိုးနဲ့ အနိုင်ရခဲ့ပေမယ့် ဒိုင်လူကြီးက တောင်အာဖရိကဘက်ကို မှားယွင်းပြီး ပင်နယ်တီပေးခဲ့တာကြောင့် ပြန်လည်ကစားဖို့ ဖီဖာက ဆုံးဖြတ်ခဲ့ပြီး ဒိုင်လူကြီးကိုလည်း တစ်သက်တာပွဲပယ်ပြစ်ဒဏ် ချမှတ်ခဲ့ဖူးပါတယ်။

7 mins Ago

November 3, 2019

ကမ္ဘာ့ဖလား ရဂ်ဘီပြိုင်ပွဲတွင် တောင်အာဖရိကအသင်း ချန်ပီယံဆုဖလား ရရှိ

ဂျပန်နိုင်ငံမှာ နိုဝင်ဘာလ ၂ ရက်နေ့က ကျင်းပတဲ့ ကမ္ဘာ့ဖလားရဂ်ဘီဗိုလ်လုပွဲစဉ်မှာ တောင်အာဖရိကအသင်းက အင်္ဂလန်အသင်းကို အနိုင်ရပြီး ချန်ပီယံဆုဖလားကို ရသွားခဲ့ပါတယ်။   ထူးခြားချက်အနေနဲ့ ဒီအောင်ပွဲဟာ တောင်အာဖရိကအသင်းရဲ့ ပထမဆုံး လူမည်းအသင်း ခေါင်းဆောင် ရှာကိုလီဆီ လက်ထက်မှာ ချန်ပီယံဆုဖလား ရတာလည်း ဖြစ်ပါတယ်။ ဒါကြောင့်မို့ မြို့တော် ဂျိုဟန်နစ္စဘတ်မှာ တောင်အာဖရိ ပြည်သူတွေ အောင်ပွဲခံနေကြပါတယ်။ ဒါဟာ တောင်အာဖရိက ရဂ်ဘီအသင်း စပရင်းဘာ့ဂ်ရဲ့ တတိယမြောက် ချန်ပီယံဖလား ဖြစ်ပြီး နယူးဇီလန်နိုင်ငံ စံချိန်နဲ့ အတူတူ ဖြစ်သွားတာပါ။ ၁၉၉၅ ခုနှစ် ကမ္ဘာ့ဖလားချန်ပီယံဆုကို ရတုန်းကလည်း တောင်အာဖရိက သမ္မတဟောင်း နယ်ဆင်မန်ဒဲလားဟာ အသင်းခေါင်းဆောင် ဖရန်ဆွာ ပင်နဲရာနဲ့အတူ စင်မြင့်ထက်မှာ အောင်ပွဲခံခဲ့ဖူးပါတယ်။ ကမ္ဘာ့ဖလား ရဂ်ဘီ နောက်ဆုံးပွဲစဉ်ကို ဂျပန်နိုင်ငံမှာ သွားရောက်ကြည့်ရှုတဲ့ လက်ရှိ တောင်အာဖရိက သမ္မတ ဆီရယ်ရမ်မာဖိုဆာကလည်း ‘ကျွန်ုပ်တို့ ချန်ပီယံဖြစ်ပြီ’ ဆိုပြီး တွစ်တာမှာ ရေးသားခဲ့ပါတယ်။
2 years Ago
Up