ယူကရိန်းအရှေ့မြောက်ဘက် ဆူမီမြို့တော်အနီးရှိ ထရိုစတာယာနက်စ်မြို့ကို ရုရှားတပ်တွေ လက်ထဲကနေ ယူကရိန်းစစ်တပ်က ပြန်သိမ်းယူနိုင်ခဲ့တယ်လို့ အမေရိကန်ကာကွယ်ရေးဌာန အကြီးအကဲတယောက်က ပြောပါတယ်။
ယူကရိန်းသမ္မတရုံးကလည်း ယူကရိန်းစစ်ယာဉ်တွေ ထရိုစတာယာနက်စ်မြို့ထဲ မောင်းသွားတဲ့ ဗွီဒီယိုကို ပြသခဲ့ပါတယ်။
မြို့ရဲ့ လူနေအဆောက်အအုံ ဆိုးဆိုးရွားရွား ပျက်စီးမီးလောင်နေတာပါ။ မြို့ဆေးရုံနဲ့ အခြားအဆောက်အအုံတွေလည်း ထိခိုက်ပျက်စီးသွားပါတယ်။
ပြီးခဲ့တဲ့ တပတ်အတွင်း ယူကရိန်းတပ်တွေ ထူးထူးခြားခြား အောင်မြင်ခဲ့ပြီး မြို့တော်ကိယက်ဗ်နဲ့ အနီးရှိ မြို့တွေ ကျေးလက်တွေကို ပြန်သိမ်းပိုက်ခဲ့ကာ ရုရှားတပ်တွေကို ယူကရိန်းအနောက်တောင်ဘက်ကို ပြန်တိုက်ထုတ်နိုင်ခဲ့ပါတယ်။
အမေရိကန်ကာကွယ်ရေးဌာနကတော့ ရုရှားတပ်တွေ ကိယက်ဗ်ကနေ နောက်ဆုတ်သွားပေမဲ့ ရုပ်သိမ်းသွားတာမဟုတ်ဘဲ ပြန်စုစည်းဖို့ လုပ်နေတာလို့ သတိပေးပါတယ်။
