တရုတ်နိုင်ငံရဲ့ ထိုင်ဝမ်ရေးရာ နိုင်ငံတော်ကောင်စီရုံးဟာ သြဂုတ် ၃ ရက်က ထိုင်ဝမ်လွတ်လပ်ရေးကို ကြိုးပမ်းနေတဲ့ အမာခံပုဂ္ဂိုလ်တွေနဲ့ ဆက်စပ်နေတဲ့ အဖွဲ့အစည်းတွေကို ပြစ်ဒဏ်တွေချမှတ်ခဲ့ပါတယ်။
ဒီမိုကရေစီနဲ့ ပူးပေါင်းဆောင်ရွက်မှုနဲ့ ဖွံ့ဖြိုးတိုးတက်ရေးဆိုတဲ့ အသွင်ဆောင်မှုအောက်မှာ ထိုင်ဝမ်ဒီမိုကရေစီဖောင်ဒေးရှင်းနဲ့ အပြည်ပြည်ဆိုင်ရာ ပူးပေါင်းဆောင်ရွက်ရေးနဲ့ ဖွံ့ဖြိုးတိုးတက်ရေး ရန်ပုံငွေအဖွဲ့တို့ဟာ နိုင်ငံတကာ ပြိုင်ဆိုင်မှုနယ်ပယ်မှာ ထိုင်ဝမ်လွတ်လပ်ရေး၊ ခွဲထွက်ရေးလှုပ်ရှားမှုတွေကို တမင်သက်သက် လုပ်ဆောင်ခဲ့ကြတယ်လို့ နိုင်ငံတော်ကောင်စီရုံး ပြောရေးဆိုခွင့်ရှိသူ မာရှောက်ကွမ်က ပြောပါတယ်။
သူတို့ဟာ တရုတ်ဆန့်ကျင်ရေး ပြင်ပအင်အားစုတွေနဲ့ မိတ်သဟာယဖွဲ့ဖို့ သူတို့ဘာသာ ထွက်သွားကြတယ်လို့လည်း ဆိုပါတယ်။
သူတို့ဟာ ပြည်မကြီးကိုလည်း တိုက်ခိုက်ရန်လိုခဲ့ပြီး ထိုင်ဝမ်ရဲ့ နိုင်ငံတကာနယ်ပယ်ကို ချဲ့ထွင်ဖို့အတွက် ငွေနဲ့ တခြားနည်းလမ်းတွေကို သုံးခဲ့ကြောင်းနဲ့ တရုတ်တနိုင်ငံတည်း မူဝါဒကို နိုင်ငံတကာရဲ့ထောက်ခံမှု လျော့ပါးစေဖို့ ကြိုးပမ်းနေကြောင်းလည်း မာက ပြောပါတယ်။
တရုတ်ပြည်မကြီးဟာ အဲဒီဖောင်ဒေးရှင်း အဖွဲ့အစည်းတွေကို ဒဏ်ခတ်အရေးယူဖို့ ဆုံးဖြတ်ခဲ့ပြီး သူတို့တွေကို ပြည်မကြီးအဖွဲ့အစည်းတွေ၊ စီးပွားရေးလုပ်ငန်းတွေ သို့မဟုတ် လူပုဂ္ဂိုလ်တွေနဲ့ ပူးပေါင်းဆောင်ရွက်ခြင်းမပြုဖို့ တားမြစ်ထားပါတယ်။
ပြည်မကြီးဟာ အဲဒီဖောင်ဒေးရှင်းတွေကို ရန်ပုံငွေ သို့မဟုတ် ဝန်ဆောင်မှုတွေပေးထားတဲ့ ဘယ်အဖွဲ့အစည်း၊ ဘယ်လုပ်ငန်း သို့မဟုတ် ဘယ်လူပုဂ္ဂိုလ်ကိုမဆို ဥပဒေနဲ့အညီ အပြစ်ပေးမှာဖြစ်ပြီး တခြားလိုအပ်တဲ့ အစီအမံတွေ လုပ်ဆောင်သွားမယ်လို့ မာရှောက်ကွမ်က ပြောပါတယ်။
ပြည်မကြီးဟာ အဲဒီဖောင်ဒေးရှင်းတွေဆီ အလှူငွေတွေ လှူဒါန်းထားတဲ့ Speedtech စွမ်းအင်၊ Hyweb နည်းပညာ၊ Skyla၊ SkyEyes GPS နည်းပညာနဲ့ တခြားလုပ်ငန်းတွေကို ပြည်မကြီးမှ အဖွဲ့အစည်းတွေ၊ စီးပွားရေးလုပ်ငန်းတွေ သို့မဟုတ် တဦးချင်း အရောင်းအဝယ် သို့မဟုတ် ပူးပေါင်းဆောင်ရွက်မှုတွေကို တားမြစ်သွားမှာ ဖြစ်ပါတယ်။
သက်ဆိုင်ရာ လုပ်ငန်းအကြီးအကဲတွေကိုလည်း ပြည်မကြီးကို ဝင်ရောက်ခွင့်မပြုဖို့ တားမြစ်ထားကြောင်း မာက ပြောပါတယ်။
