ထိုင်းနိုင်ငံကတဆင့် မလေးရှားနိုင်ငံဆီ အလုပ်သွားရောက်လုပ်ကိုင်ဖို့ တရားမဝင်နယ်စပ် ဖြတ်ကျော်ဝင်ရောက်လာတဲ့ မြန်မာနိုင်ငံသား ၃၁ ယောက်ကို ဆာဒေါင်ခရိုင်နယ်စပ်မှာ ကင်းလှည့်တပ်ဖွဲ့က ဖမ်းမိခဲ့တယ်လို့ ဘန်ကောက်ပို့စ်သတင်းမှာ ဖော်ပြပါတယ်။

ဖမ်းမိခဲ့သူတွေထဲမှာ အမျိုးသား ၂၅ ယောက်နဲ့ အမျိုးသမီး ၆ ယောက်ပါဝင်ပြီး မြောင်းတခုထဲ ပုန်းနေချိန်မှာ စစ်သားတွေ၊ ရဲတွေနဲ့ ဒေသတွင်း တာဝန်ရှိသူတွေ ပူးပေါင်းပါဝင်တဲ့ ကင်းလှည့်တပ်ဖွဲ့က ဇန်နဝါရီ ၁၉ ရက် ည ၁၀ နာရီခွဲလောက်မှာ ဖမ်းမိခဲ့တာလို့ ဆိုပါတယ်။

ရဲစခန်းကို ပို့ဆောင်စစ်ဆေးမှုတွေ လုပ်ဆောင်ချိန်မှာတော့ သူတို့ဟာ ထိုင်း-မြန်မာနယ်စပ် မြဝတီမြို့ကနေ မလေးရှားနိုင်ငံမှာ အလုပ်ရမယ်ဆိုတဲ့ ကတိနဲ့ မဲဆောက်ဘက်ကို တောလမ်းကနေ ဖြတ်ကူးခဲ့တာဖြစ်ကြောင်း၊ အဲဒီကနေတဆင့် ပစ်ကပ်ကားတစီးနဲ့ ထိုင်းတောင်ပိုင်း၊ ဟတ်ရိုင်မြို့ဆီ ပို့ဆောင်ခဲ့တာလို့ ပြောပါတယ်။

အဲဒီနောက်မှာတော့ ဟတ်ရိုင်ကနေ နောက်ထပ်ကားတစီးနဲ့ ဆာဒေါင်နယ်စပ်ကို ပို့ဆောင်ခဲ့ပြီး မလေးရှားနိုင်ငံထဲ ဝင်ရောက်ဖို့ စောင့်ခိုင်းထားခဲ့တာလို့ ဆိုပါတယ်။

ခုလိုသွားရောက်နိုင်ဖို့အတွက် တယောက်ကို ပွဲစားခဘတ် ၅ သောင်းစီ ပေးခဲ့ကြရပြီး စား သောက်ဆိုင်တွေနဲ့ ဆောက်လုပ်ရေးလုပ်ငန်းခွင်တွေမှာ အလုပ်လုပ်ကိုင်ရမယ်လို့ ပြော ထားခဲ့တာလို့ ဆိုပါတယ်။

လတ်တလောမှာတော့ ရဲတွေက သူတို့ကို လူကုန်ကူးမှု ကွင်းဆက်သံသယနဲ့ ဖမ်းဆီးထိန်း သိမ်းထားပြီး ဒီဖြစ်စဉ်မှာ ထိုင်း၊ မလေးရှားနဲ့ မြန်မာတာဝန်ရှိသူတွေ ပါဝင်နိုင်တယ်လို့ ဆိုပါတယ်။

ဖမ်းဆီးခံရသူတွေကို ဉပဒေအရ အရေးယူဆောင်ရွက်မှုတွေ လုပ်ဆောင်ပြီး နေရပ်ပြန်ပို့တာတွေ မလုပ်ဆောင်ခင် ကိုဗစ်-၁၉ ရောဂါရှိမရှိ စစ်ဆေးတာတွေကိုလည်း လုပ်ဆောင်သွားမယ်လို့ သတင်းမှာ ဖော်ပြပါတယ်။

       ထိုင်းနိုင်ငံဘက်ကို တရားမဝင် နယ်စပ်ဖြတ်ကျော်ဝင်ရောက်လာတဲ့ မြန်မာအမျိုးသမီး ၃ ယောက်ကို ဒီကနေ့ မနက်အစောပိုင်းမှာ ကင်းလှည့်တပ်ဖွဲ့က ဖမ်းဆီးခဲ့တယ်လို့ ဘန်ကောက်ပို့စ်သတင်းမှာ ဖော်ပြပါတယ်။

       စစ်သားတွေ၊ ရဲတွေနဲ့ ဒေသခံတွေ ပူးပေါင်းပါဝင်တဲ့ ကင်းလှည့်တပ်ဖွဲ့ဟာ မောင်ခ ရိုင်၊ ဟွေ့နန်းခေါင်နယ်စပ်ကျေးရွာနားမှာ လူ ၄ ယောက်လိုက်ပါစီးနင်းလာတဲ့ မော်တော် ဆိုင်ကယ်တစီးကို စစ်ဆေးတွေ့ရှိခဲ့ကြတာပါ။

       ကင်းလှည့်တပ်ဖွဲ့က မသင်္ကာလို့ စစ်ဆေးဖို့ အချက်ပြချိန်မှာတော့ ဆိုင်ကယ်ကို ရပ်မပေးပဲ မောင်းနှင်ထွက်ပြေးတဲ့အတွက် လိုက်လံဖမ်းဆီးချိန်မှာတော့ တယောက်က ထွက်ပြေးလွတ်မြောက်သွားခဲ့ကြပြီး အမျိုးသမီး ၃ ယောက်နဲ့ ဆိုင်ကယ်ကိုတော့ လက်ရ ဖမ်းဆီးနိုင်ခဲ့တာ ဖြစ်ပါတယ်။

       သူတို့ကို စစ်ဆေးမေးမြန်းချိန်မှာတော့ အဆိုပါ အမျိုးသမီး ၃ ယောက်ဟာ ဧရာဝ တီတိုင်းကနေ ထိုင်းနိုင်ငံ၊ ချွန်ဘူရီခရိုင်ထဲမှာ အလုပ်လုပ်ဖို့အတွက် နယ်စပ်ဖြတ်ကျော် ဝင်ရောက်လာခဲ့ကြတာဖြစ်ကာ တယောက်ကို ဘတ် ၂ သောင်းခွဲစီ ပွဲစားခ ပေးခဲ့ကြရတယ်လို့ ပြောပါတယ်။

       ကိုဗစ်-၁၉ ရောဂါကူးစက်ပျံ့နှံ့မှု ထိန်းချုပ်ရေးအတွက် သူတို့ကို ခန္ဓာကိုယ်အပူချိန် တိုင်းတာ၊ အဖျားသွေးရှိမရှိ စစ်ဆေးချိန်မှာတော့ ဘာရောဂါလက္ခဏာမှ မတွေ့ရှိရဘူးလို့ ဆိုပါတယ်။

       လတ်တလောမှာတော့ အဆိုပါ အမျိုးသမီး ၃ ယောက်ကို မောင်ခရိုင် ရဲစခန်းကို ပို့ ဆောင်ကာ ဥပဒေအရ လိုအပ်တဲ့ စစ်ဆေးအရေးယူမှုတွေ ဆက်လက်လုပ်ဆောင်သွားမယ်လို့ သတင်းမှာ ဖော်ပြပါတယ်။