ကျုံပျော်မြို့နယ်အုပ်ချုပ်ရေးမှုးရုံးမှာ ဒီနေ့ မနက် ၈ နာရီက ဗုံးသုံးကြိမ်ပေါက်ခဲ့ရာ မြို့နယ်ရဲတပ်ဖွဲ့မှူး ဒဏ်ရာရရှိခဲ့တယ်လို့ ဒေသခံတွေက ပြောပါတယ်။

အောင်ဆန်းရပ်ကွက် မြို့နယ်အားကစားကွင်းနဲ့ ကပ်လျက်မှာရှိတဲ့ မြို့နယ်အုပ်ချုပ်ရေးမှူးရုံးမှာ ဒီနေ့ မနက် ဗုံးပေါက်ခဲ့တာလို့ ဒေသခံတဦးက ပြောပါတယ်။

"ထွေအုပ်ရုံးက ပုသိမ်-မုံရွာလမ်းပေါ်မှာရှိတာ ရဲစခန်းရော၊ ထွေအုပ်ရော၊ ခလရ ၃၆ ရောရှိတယ်။ ဗုံးပေါက်တယ်ဆိုပြီး မြို့နယ်မှူးတွေ စီမံဥက္ကဋ္ဌ တွေရောက်လာမှ နောက်နှစ်လုံးထပ်ပေါက်တာ၊ မြို့နယ်ရဲမှူးတွေရောက်လာမှ ပေါက်တာ။"

ပေါက်ကွဲမှု့ဖြစ်ပြီးနောက် မြို့နယ်ရဲတပ်ဖွဲ့မှုးကို လူနာတင်ယာဥ် နဲ့ ကျုံပျော်မြို့နယ်ဆေးရုံကို ပို့ဆောင်ထားတယ်လို့ အုပ်ချုပ်ရေးနဲ့နီးစပ်သူတဦးက ပြောပါတယ်။

"သတင်းကတော့မှန်တယ်၊ ကျနော်သိတာနှစ်ယောက် သူတို့က မြို့နယ်မှူးပဲ ထိတယ်လို့ပြောတယ်။ အမှန်က စီမံဥက္ကဋ္ဌလည်းထိတယ်။ အခု ခလရ ၃၆ က တွေ့သမျှ လူကို ဖုန်းတွေရော ဆိုင်ကယ်တွေရော စစ်တာ။"

လက်တလောမှာ ကျုံပျော်မြို့နယ် ဌာနဆိုင်ရာရုံးရှေတွေမှာ  တပ်နဲ့ ရဲတွေက ပိတ်ဆို့စစ်ဆေးခဲ့ တယ်လို့ သိရပါတယ်။

ပြီးခဲ့တဲ့နှစ် စက်တင်ဘာ ၂၆ ရက် မနက်ကလည်း မြို့နယ်ထွေအုပ်ရုံးနဲ့ရဲစခန်းနားမှာ ဗုံးပေါက်ကွဲခဲ့ လို့ ထိခိုက်ဒဏ်ရာရသူတွေလည်း ရှိပါတယ်။

၂ဝ၂၃ ခုနှစ် ဇန်နဝါရီလမှ မတ်လအတွင်း ပြည်နယ်နဲ့တိုင်းဒေသကြီးအသီးသီးမှာ ယာဥ်တိုက်မှု ၁၂၆၃ ကြိမ်ဖြစ်ခဲ့ပြီး ၆၇၄ ဦးသေဆုံးကာ ၁၇၁၁ ဦးဒဏ်ရာရရှိခဲ့တယ်လို့ ကုန်းလမ်းပို့ဆောင်ရေးညွှန်ကြားမှုဦးစီးဌာနက သိရပါတယ်။

ယာဥ်တိုက်မှုများမှာ ရန်ကုန်၊ ပဲခူး၊ မန္တလေး၊ မကွေးနဲ့ ဧရာဝတီတိုင်းတို့မှာ အများဆုံးဖြစ်ပွားခဲ့ပြီး အရင်နှစ်ထက် ယာဥ်တိုက်မှု နည်းပါတယ်လို့ ကုန်းလမ်းပို့ဆောင်ရေးညွှန်ကြားမှုဦးစီးဌာ တာဝန်ရှိသူတဦးက ဒီဗွီဘီကို ပြောပါတယ်။

"သုံးလတာ ယာဥ်တိုက်မှု အချုပ်စာရင်းချင်းယှဥ်ရင် အရင်နှစ်ကထက် အမှု သုံးရာကျော်လောက်နည်းသွားတယ်။"

ပြီးခဲ့တဲ့ ၂၀၂၂ ခုနှစ်က ပြည်နယ်နဲ့ တိုင်းအသီးသီးမှာ ဇန်နဝါရီလ မှ မတ်လအတွင်း  ယာဉ်တိုက်ခိုက်မှု ၁၆၄၃ မှုဖြစ်ခဲ့ပြီး ၈၁၈ ယောက်သေဆုံးကာ ၂၁၁၅ ယောက် ဒဏ်ရာရရှိခဲ့တယ်လို့ သိရပါတယ်။

၂ဝ၂၃ ခုနှစ် ဇန်နဝါရီလမှ မတ်လအတွင်း အမြန်လမ်းမကြီးတွေမှာ ယာဥ်တိုက်မှု ၄၀ မှုဖြစ်ခဲ့ပြီး သေဆုံးသူ ၃၀ ယောက်၊ ၈၈ ယောက်ဒဏ်ရာရရှိခဲ့ပါတယ်။ ၂၀၂၂ ခုနှစ် ဇန်နဝါရီလမှ မတ်လအတွင်း အမြန်လမ်းကြီးတွေမှာ ယာဉ်တိုက်မှု ၄၀ ကြိမ်ဖြစ်ခဲ့ပြီး ၂၃ ဦးသေဆုံးကာ ၄၁ ဦးဒဏ်ရာရရှိခဲ့တယ်လို့ သိရပါတယ်။