ဒါရိုက်တာ မင်းထင်ကိုကိုကြီး

November 15, 2022

ဒါရိုက်တာ မင်းထင်ကိုကိုကြီးနှင့် အဆိုတော် စောဖိုးခွားတို့ ပြန်လည်လွတ်မြောက်

စစ်တပ်အာဏာသိမ်းတဲ့နေ့ကတည်းက အပြစ်မရှိဘဲဖမ်းဆီးခံခဲ့ရပြီး ထောင်ဒဏ် ၂ နှစ်စီ ချမှတ်ခံထားရတဲ့ နာမည်ကြီး ဒါရိုက်တာ မင်းထင်ကိုကိုကြီးနဲ့ အဆိုတော်စောဖိုးခွားတို့ နှစ်ဦး နိုဝင်ဘာ ၁၅ ရက် ဒီနေ့မနက်ပိုင်းက အင်းစိန်ထောင်ကနေ ပြန်လည်လွတ်မြောက်လာတယ်လို့ အကျဥ်းဦးစီးနဲ့ နီးစပ်သူတွေဆီက သိရပါတယ်။

ရန်ကုန်၊ အင်းစိန်အကျဥ်းထောင်ကနေ ဒီကနေ့ မနက်ပိုင်းက ဒါရိုက်တာမင်းထင်ကိုကိုကြီးနဲ့ အဆိုတော်စောဖိုးခွားတို့နှစ်ဦးကို ပြစ်ဒဏ်လျှော့ပေးပြီး လွတ်ငြိမ်းချမ်းသာနဲ့ ပြန်လွှတ်ပေးလိုက်တာလို့ အကျဥ်းဦးစီးနဲ့ နီးစပ်သူတစ်ဦးက ဒီဗွီဘီကို ပြောပါတယ်။

“သတင်းက မှန်ပါတယ်။ ပြစ်ဒဏ်ကို လျှော့ပေါ့ပေးပြီး ပြန်လွှတ်ပေးလိုက်တာပါ။ မင်းထင်ကိုကိုကြီးရယ် စောဖိုးခွားရယ်”လို့ ပြောပါတယ်။

စစ်တပ်က အာဏာစသိမ်းတဲ့ ၂၀၂၁ ခုနှစ် ဖေဖော်ဝါရီ ၂ ရက်နေ့မှာ ဘာအပြစ်မှမရှိဘဲ ဖမ်းဆီးခံရသူတွေထဲမှာ ဒါရိုက်တာမင်းထင်ကိုကိုကြီးနဲ့ အဆိုတော်စောဖိုးခွားတို့လည်း ပါဝင်ပြီး တစ်နှစ်ကျော်ကြာ ချုပ်နှောင်ထားပြီးမှ ထောင်ဒဏ် ၂ နှစ်စီချမှတ်ခဲ့တာ ဖြစ်ပါတယ်၊

နိုင်ငံရေးတက်ကြွလှုပ်ရှားသူတစ်ဦးက “တခြားသူတွေက စစ်တပ်ကို ဆန့်ကျင်လို့ဖမ်းတာ။ သူတို့တွေကို စစ်တပ်က အာဏာသိမ်းကတည်းက ကြောက်ပြီးဖမ်းတာ။ အခုပြန်လွတ်လာတာ ဝမ်းသာတယ်”လို့ ပြောပါတယ်။

ဒါရိုက်တာမင်းထင်ကိုကိုကြီးကို စစ်ကောင်စီက ပုဒ်မ ၅၀၅(ခ) နဲ့ ၂၀၂၁ ခုနှစ် ဒီဇင်ဘာ ၃ဝ ရက်နေ့မှာ အလုပ်ကြမ်းနဲ့ ထောင်ဒဏ် ၂ နှစ် ချမှတ်ခဲ့တာဖြစ်ပါတယ်။

အဆိုတော် စောဖိုးခွားကိုလည်း သဘာဝဘေးစီမံခန့်ခွဲမှုပုဒ်မ ၃၀ (က)၊ ပုဒ်မ ၅၀၅ (ခ)နဲ့ ၂၀၂၁ ခုနှစ်နှစ်ကုန်ပိုင်းမှာ ထောင်ဒဏ် ၂ နှစ်ချမှတ်ခဲ့တာ ဖြစ်ပါတယ်။

8 mins Ago

September 16, 2020

898

ကိုဗစ်-၁၉ ပိုးတွေ့လူနာနှင့် ထိတွေ့ခဲ့သည့် ဒါရိုက်တာ မင်းထင်ကိုကိုကြီး ဆေးစစ်မှုခံယူမည်

ပြီးခဲ့တဲ့ ရက်ပိုင်းက အင်တာဗျူးလာရောက်မေးမြန်းခဲ့တဲ့ မီဒီယာသမားတဦးမှာ ကိုဗစ်-၁၉ ရောဂါပိုးတွေ့ရှိရတာကြောင့် ဒါရိုက်တာ မင်းထင်ကိုကိုကြီးက ထိတွေ့မှုသံသယနဲ့ ဆေး စစ်ဆေးမှု ခံယူသွားဖို့ ရှိနေတယ်လို့ စက်တင်ဘာလ ၁၅ ရက်နေ့မှာ ပြောပါတယ်။ “ကျွန်တော့် Swab Test ယူဖို့ ဒီနေ့ ၁၅ ရက် စက်တင်ဘာမှာ ဆေးခန်းသွားပါ့မယ်။ အဲဒါကို ပြောရတာ အားနာပါတယ်။ မပြောဘဲ မထားသင့်ဘူးထင်လို့ အားနာနာနဲ့ပဲ ပြောရတာပါ” ဒါရိုက်တာ မင်းထင်ကိုကိုကြီးဟာ ပြီးခဲ့တဲ့ စက်တင်ဘာလ ၁၀ ရက်နေ့က မီဒီယာတခုက အင်တာဗျူးကို နေအိမ်မှာ လက်ခံဖြေကြားခဲ့ပြီး သိပ်မကြာခင်မှာပဲ သူ့ကို လာရောက်မေးမြန်းခဲ့သူ ၂ ယောက်ထဲက တယောက်မှာ ကိုဗစ်-၁၉ ရောဂါ Positive အဖြေထွက်ရှိခဲ့တာမို့ ခုလိုစစ်ဆေးမှု ခံယူဖို့ ဆုံးဖြတ်လိုက်ရတာလို့ ဆိုပါတယ်။ “၁၀ ရက်နေ့ နေ့လယ်ခင်းမှာ သတင်းမီဒီယာတခုက အင်တာဗျူးကို ကျနော့်အိမ်မှာ လက်ခံ ခဲ့ပါတယ်။ သူတို့ နှစ်ယောက် လာပါတယ်။ mask တပ်ထားကြပါတယ်။ ကျနော့်ကို မေးတဲ့ တယောက်က mask ပေါ်မှာ face shield လည်း တပ်ထားပါသေးတယ်။ ကျနော်ကလည်း mask နဲ့ပဲ အင်တာဗျူး ဖြေခဲ့ပါတယ်။ ၁၃ ရက်နေ့ကတော့ ကျနော့်ကို မေးတဲ့ တယောက်က သူ သူ့ကိုယ် သူ သံသယဝင်လို့၊ အနံ့ပျောက်သွားလို့ swab test ယူဖို့ ဆေးရုံရောက်နေကြောင်း Facebook မှာ ရေးတာမြင်လိုက်တယ်။ အဲဒါနဲ့ ဖုန်းဆက်ပြီး မေးရပါတယ်။ ၁၄ ရက်နေ့ ညပိုင်းမှာ သူ့ swab test အဖြေသိရမယ်ပြောပါတယ်။ ၁၄ ရက်နေ့ည ၉ နာရီလောက်မှာတော့ သူ့ Facebook မှာ သူ့ swab test အဖြေ positive ဖြစ်ကြောင်း ရေးထားပါတယ်” လတ်တလောမှာတော့ ဒါရိုက်တာ မင်းထင်ကိုကိုကြီးမှာ ကိုဗစ်-၁၉ ရောဂါကူးစက်ခံထားရ တဲ့ လက္ခဏာတခုခု ရှိမနေပေမယ့် သူက Positive တွေ့သူ မီဒီယာသမားရဲ့ Primary Contact ဖြစ်တာကြောင့်မို့ Swab Test ယူဖို့ ဆုံးဖြတ်လိုက်ရတာလို့ ဆိုပါတယ်။ “ကျနော်ကတော့ ခုထက်ထိ အနံ့မပျောက်သေးပါဘူး၊ မဖျားသေးပါဘူး။ ဒါပေမဲ့ ကျနော်က သူ့ရဲ့ primary contact ဖြစ်နေပါပြီ။ ဒါကြောင့် swab test ယူဖို့ ဆုံးဖြတ်လိုက်ရတာပါ။ အသိပေးရတာ အားနာပါတယ်” ထူးခြားတဲ့ ဇာတ်လမ်းဇာတ်ကွက်တွေနဲ့ ဇာတ်ကားတွေ ရိုက်ကူးလေ့ရှိတဲ့ ဒါရိုက်တာတ ယောက်အနေနဲ့ ပရိသတ်တွေသိကြတဲ့ မင်းထင်ကိုကိုကြီးဟာ ပြီးခဲ့တဲ့ရက်ပိုင်းတုန်းကလည်း နိုင်ငံ တော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကိုယ်တိုင်ရေး ကဗျာတပုဒ်ကို လေလံတင်ရောင်း ချပြီး ရရှိတဲ့ ငွေတွေအားလုံးကို အန်အယ်လ်ဒီပါတီအောင် နိုင်ရေးရန်ပုံငွေအနေနဲ့ အသုံးပြုဖို့ လှူ ဒါန်းခဲ့ပါတယ်။

2 years Ago