မြောက်ကိုရီယားက တိုက်ချင်းပစ်ဒုံးကျဉ်တစင်း မတ် ၂၄ ရက်မှာ ပစ်လွှတ်ပြီးပြီးချင်း တောင်ကိုရီးယားက ပဲ့ထိန်းဒုံးကျည်မျိုးစုံနဲ့ နည်းဗျူဟာမြောက် ဒုံးကျည်မျိုးစုံ စမ်းသပ်ပစ်လွှတ်ခဲ့ပါတယ်။
အဆိုပါစမ်းသပ်မှုက မြောက်ကိုရီးယား မစ်ဇိုင်းဒုံးကျည်စနစ်မှန်သမျှကို နေရာမရွေး အတိအကျ ပြန်လည်ပစ်ခတ်နိုင်စွမ်းရှိတယ်လို့ တောင်ကိုရီးယား စစ်ဦးစီးချုပ်များပူးပေါင်းမှုဌာန (JCS) က ကြေညာပါတယ်။
မြောက်ကိုရီးယားပစ်လွှတ်တဲ့ မစ်ဇိုင်းက အမြင့် ၆,၂၀၀ ကီလိုမီတာနဲ့ အကွာအဝေး ၁,၀၈၀ ကီလိုမီတာရှိပြီး တောင်ကိုရီးယားက အဲဒီနေရာကို ချိန်မှတ် ပစ်လွှတ်ခဲ့ပါတယ်။
တောင်ကိုရီးယား စစ်ဦးစီးချုပ်များဌာန JCS ရဲ့ ပြည်သူ့ဆက်ဆံရေးအကြီးအကဲ ကင်မ်ဂျွန်းပတ်ခ်က “မြောက်ကိုရီးယား တိုက်ချင်းပစ်ဒုံးကျည်တွေကို တုံ့ပြန်တဲ့အနေနဲ့ ကျနော်တို့ရဲ့ မစ်ဇိုင်းတွေကို အရှေ့ဘက်ပင်လယ်မှာ မြေပြင်၊ ရေပြင်၊ ဝေဟင် တို့ကနေ ပစ်လွှတ်ခဲ့ပါတယ်။ ကျနော်တို့ မြောက်ကိုရီးယား စစ်တပ်လှုပ်ရှားမှုတွေကို အသေးစိတ်စောင့်ကြည့်နေတာပါ။ သူတို့မစ်ဇိုင်းပစ်လွှတ်မှုမှန်သမျှကို ကျနော်တို့ ဖျက်ဆီးနိုင်စွမ်း ရှိပါတယ်” လို့ ပြောပါတယ်။
