close

ဓာတ်ပုံ

close

September 20, 2022

ပြင်သစ်အသင်း၏ ဓာတ်ပုံရိုက်ကူးရေးအစီအစဉ်ကို အမ်ဘာပေ ငြင်းဆန်

ပြင်သစ်လက်ရွေးစင်အသင်းရဲ့ ဓာတ်ပုံရိုက်ကူးရေးအစီအစဉ်ကို တက်ရောက်ဖို့ တိုက်စစ်မှူး အမ်ဘာပေက ငြင်းဆန်လိုက်ပါတယ်။

အမ်ဘာပေဟာ နိုင်ငံအသင်းရဲ့စပွန်ဆာကုမ္ပဏီတွေနဲ့  အဆင်မပြေဖြစ်နေပြီး လက်တွဲရိုက်ကူးခြင်းမပြုဖို့ ငြင်းဆန်ခဲ့တာပါ။

ပြင်သစ်အသင်းရဲ့ အဓိကစပွန်ဆာတွေထဲမှာ လောင်းကစားကုမ္ပဏီ Betclic လည်း ပါဝင်ကြောင်း Get French Football သတင်းမှာဖော်ပြပါတယ်။

ပြင်သစ်အက်ဖ်အေဟာ အွန်လိုင်းလောင်းကစားကုမ္ပဏီနဲ့ ယူရိုသန်းချီတန်တဲ့ စပွန်စဆာ စာချုပ်ချုပ်ထားပြီး KFC ၊ Uber Eats၊  ကိုကာကိုလာ အစရှိတဲ့ အမှတ်တံဆိပ်တွေနဲ့လည်း စာချုပ်ချုပ်ဆိုထားတာပါ။

ပြင်သစ်အသင်းကနေ ရရှိလာတဲ့ စပွန်ဆာတွေ အားလုံးကို အမ်ဘာပေက လူမှုရေးလုပ်ငန်းတွေမှာလှူဒါန်းထားသူပါ။

ဒါပေမဲ့ လောင်းကစားကုမ္ပဏီ တစ်ခုဟာ သူ့ရဲ့ဖခင်ကို လှောင်ပြောင်တဲ့ ပို့စ်တစ်ခု တင်ခဲ့ဖူးတာကြောင့် အမ်ဘာပေက အဲဒီလိုကုမ္ပဏီတွေကို သပိတ်မှောက်ထားတာလို့သိရပါတယ်။

4 mins Ago
Up