အမေရိကန်နိုင်ငံ နယူးယောက်မြို့အခြေစိုက် နက်စ်ဒက်ခ် စတော့ဈေးကွက် သုံးသပ်ချက်အရ အမေရိကန် စတော့ရှယ်ယာ ဈေးကွက်အတွင်း နည်းပညာကုမ္ပဏီကြီးတွေရဲ့ ရှယ်ယာဈေးတွေ မတ်လ ၂၂ ရက်က ပြန်ခုန်တက်ခဲ့ပါတယ်။
တခြားကုမ္ပဏီကြီးတွေရဲ့ ရှယ်ယာတွေဟာလည်း လတ်တလော အရှုံးပြနေရာက ပြန်ခုန်တက်ခဲ့တာပါ။
နိုက်ကီကုမ္ပဏီကတော့ ရလဒ်ကောင်းတွေ ရလာပြီး ရှယ်ယာဈေး မြင့်တက်ခဲ့တယ်လို့ ဆိုပါတယ်။
အမေရိကန် စတော့အိတ်ချိန်းမှာ စာရင်းဝင်တဲ့ ကုမ္ပဏီကြီး ၅၀၀ ရဲ့ ဈေးကွက်ညွှန်းကိန်းတွေဟာလည်း သိသိသာသာ မြင့်တက်သွားခဲ့လို့ ဆယ်နှစ်အတွင်း ဘဏ္ဍာငွေဖြစ်ထွန်းမှု ပမာဏက ၂ ဒသမ ၃၆ ရာခိုင်နှုန်း မြင့်တက်ခဲ့တဲ့အတွက် ဘဏ္ဍာရေးဆိုင်ရာ ရှယ်ယာဈေးလည်း မြင့်တက်ခဲ့ပါတယ်။
ကနဦး သတင်းအချက်အလက်တွေအရ S&P 500 စတော့ဈေးကွက် ညွှန်းကိန်းက ၁ ဒသမ ၉၆ ရာခိုင်နှုန်း တိုးလာပြီး နက်စ်ဒက်ခ် စတော့ဈေးကွက် ညွှန်းကိန်းကတော့ ၁ ဒသမ ၉၆ ရာခိုင်နှုန်း တိုးတက်မှု ရထားပါတယ်။
အမေရိကန်နိုင်ငံအတွင်း ဦးဆောင်ကုမ္ပဏီရဲ့ လုပ်ဆောင်ချက်ကို တိုင်းတာတဲ့ The Dow Jones Industrial Average ကတော့ အမှတ်ပေါင်း ၂၆၃ ဒသမ ၆၃ မှတ် တိုးလာပြီး ရာခိုင်နှုန်းအရ ၀ ဒသမ ၇၆ ရာခိုင်နှုန်း တိုးလာတယ်လို့ ရိုက်တာသတင်းမှာ ဖော်ပြထားပါတယ်။
