အက်စ်တန်ဗီလာအသင်းအနေနဲ့ ပရီးမီးယားလိဂ်ရဲ့ ထိပ်ဆုံးခြောက်သင်းစာရင်းဝင်ဖို့ ပစ်မှတ်ထား ကြောင်း နည်းပြအူနိုင်းအမ်မရီက ပြောသွားပါတယ်။
အသင်းကိုစတင်ရောက်ရှိချိန်ကတော့ ဇယားအောက်ဆုံးကနေ ရုန်းထွက်ဖို့ဖြစ်ပြီး လုပ်ဆောင်နိုင်ခဲ့ပြီး ဖြစ်ကြောင်း၊ ဒုတိယပစ်မှတ်အနေနဲ့ ထိပ်ဆုံး ၁၀ သင်းစာရင်းဝင်ဖို့ ပစ်မှတ်ဟာလည်း လုပ်ဆောင်နိုင်ခဲ့ကြောင်း နည်းပြ အမ်မရီကပြောပါတယ်။
“ကျနော်တို့က အလွန်တောင်းဆိုမှုများသူတွေဖြစ်တာကြောင့် ရည်မှန်းချက်သစ်တစ်ခုအနေနဲ့ ထိပ်ဆုံး ခြောက်သင်းစာရင်းဝင်ဖို့ပါ ထပ်ပြီးပစ်မှတ်ထားပါတယ်။ ဒါပေမဲ့ အဲဒီနေရာတွေအတွက် တိုက်ပွဲဝင်နေတဲ့အသင်းတွေနဲ့ ကစားရဖို့ရှိပါသေးတယ်။ အသင်းပရိသတ်တွေရဲ့အားပေးမှုနဲ့သာ ဆိုရင်တော့ ကျနော်တို့ ပစ်မှတ်ထားသလို လုပ်ဆောင်နိုင်တယ်လို့ ယုံကြည်ပါတယ်”လို့ နည်းပြ အမ်မရီကပြောပါတယ်။
ဗီလာအသင်းဟာ ပွဲစဉ် ၃၁ ပွဲအပြီးမှာ ရမှတ် ၅၀နဲ့ အဆင့် ၆ နေရာအထိ တက်လှမ်းလာခဲ့ပြီး အဆင့် ၅ နေရာက စပါးနဲ့ ၃ မှတ်သာကွာဟသလို အဆင့် ၇ နေရာက ဘရိုက်တန်နဲ့ နှစ်ပွဲပိုအခြေအနေမှာ တစ်မှတ်အသာရထားတာဖြစ်ပါတယ်။
