close

နည်းပြ နူနိုဆန်းတို့စ်

close

November 1, 2021

နည်းပြ နူနိုဆန်းတို့စ်နှင့်ပတ်သက်၍ စပါးအသင်းတာဝန်ရှိသူများ ဆွေးနွေး

စပါးအသင်းတာဝန်ရှိသူတွေဟာ အသင်းနည်းပြ နူနိုဆန်းတို့စ်ကို ထုတ်ပယ်သွားမလားဆိုတာ ဆွေးနွေးမှုတွေပြုလုပ်ခဲ့တယ်လို့ သိရပါတယ်။ 

စပါးအသင်းဟာ စနေနေ့က ပွဲစဉ်မှာ မန်ယူနိုက်တက်ကို ၃ ဂိုး ဂိုးမရှိနဲ့ရှုံးနိမ့်ပြီးနောက် နောက်ဆုံး ၄ ပွဲမှာ ၃ ပွဲအထိ ရှုံးပွဲတွေ့ခဲ့တာပါ။ ပရီးမီးယားလိဂ်မှာ ၂ ပွဲဆက်ရှုံးနိမ့်ခဲ့လို့ အဆင့် ၈ အထိ ကျဆင်းသွားခဲ့ပါတယ်။ 

ဒီအခြေအနေအပေါ် စပါးအသင်းဘုတ်အဖွဲ့က စိုးရိမ်နေပြီး နည်းပြဆန်းတို့စ်ရဲ့ အနာဂတ်နဲ့ ပတ်သက်ပြီး ဆွေးနွေးမှုတစ်ခုပြုလုပ်ခဲ့တာပါ။ 

ယူနိုက်တက်ကို အိမ်ကွင်းမှာရှုံးနိမ့်ခဲ့တဲ့ပွဲစဉ်မှာ စပါးအသင်းပရိသတ်တွေကလည်း စိတ်ပျက် လက်ပျက်ဖြစ်ခဲ့ပြီး အသင်းရဲ့ခြေစွမ်းကို ပြန်လည်ဝေဖန်ခဲ့ကြပါတယ်။ 

အသင်းဥက္ကဋ္ဌ လီဗိုင်းနဲ့ တာဝန်ရှိသူတွေဟာ နည်းပြဆန်းတို့စ်ကို ဆက်လက်စောင့်ကြည့်သွားမှာဖြစ်ပြီး အခြေအနေမကောင်းခဲ့ရင် ပေါ်တိုနည်းပြ ကွန်ဆီကာအိုနဲ့ အစားထိုးမယ်လို့ သတင်းထွက်ပေါ်နေပါတယ်။ 

ပေါ်တူဂီနည်းပြ ဆန်းတို့စ်ဟာ အခုနှစ်ဇွန်လကမှ ဝုဗ်အသင်းကနေ စပါးအသင်းကိုပြောင်းရွှေ့ ကိုင်တွယ်ခဲ့သူဖြစ်ပါတယ်။

1 min Ago
Up