၂၅ ကြိမ်မြောက် စိန့်ပီတာစဘတ် နိုင်ငံတကာစီးပွားရေးဖိုရမ် (SPIEF) ကို ရုရှားနိုင်ငံရဲ့  ဒုတိယအကြီးဆုံးမြို့ စိန့်ပီတာစဘတ်မှာ ဇွန် ၁၅ ရက်က ဖွင့်လှစ်ခဲ့ပါတယ်။

ကမ္ဘာသစ်ထဲက အခွင့်အရေးသစ်ဆိုတဲ့ ဆောင်ပုဒ်နဲ့ ကျင်းပတဲ့ ဖိုရမ်ကို  နိုင်ငံနဲ့ ဒေသပေါင်း ၉၀ ကျော်က ကိုယ်စားလှယ်တွေ တက်ခဲ့တယ်လို့ ပွဲစီစဉ်သူက ပြောပါတယ်။

ကမ္ဘာလုံးဆိုင်ရာနဲ့ ရုရှားနိုင်ငံတို့ရဲ့ စီးပွားရေး၊ ဒစ်ဂျစ်တယ်အသွင်ကူးပြောင်းရေးနဲ့ သတင်းအချက်အလက် လုံခြုံရေးဆိုင်ရာ ကိစ္စရပ်တွေကို တက်ရောက်သူတွေက ဆွေးနွေးကြမှာပါ။

ဇွန် ၁၇ ရက်မှာကျင်းပမယ့် ဖိုရမ်ရဲ့ မျက်နှာစုံညီ အစည်းအဝေးမှာ ရုရှားသမ္မတ ဗလာဒီမာပူတင်က လက်ရှိ ကမ္ဘာ့အခြေအနေကို အကဲဖြတ်ပြီး ရုရှားနိုင်ငံရဲ့ စီးပွားရေးဖွံ့ဖြိုးတိုးတက်မှုရဲ့ အနာဂတ်ဦးတည်ချက်ကို အကြမ်းဖျင်း ဖော်ပြမယ်လို့ သမ္မတနန်းတော် လက်ထောက် ယူရိ ယူရှာကို့ဗ်က ဇွန် ၁၅ ရက်က ပြောခဲ့ပါတယ်။

ဒီဖိုရမ်ကို ၁၉၉၇ ခုနှစ်မှာ စတင်ကျင်းပခဲ့တာပါဖြစ်ပြီး ရုရှားနိုင်ငံ၊ ထွန်းသစ်စဈေးကွက်တွေနဲ့ ကမ္ဘာကြီးရင်ဆိုင်နေရတဲ့ အရေးကြီးတဲ့ စီးပွားရေးပြဿနာတွေကို ဆွေးနွေးဖို့ စီးပွားရေး အသိုင်းအဝိုင်းအတွက် နေရာတခုဖြစ်လာခဲ့ပါတယ်။