ကမ္ဘာ့ပတ်လမ်းထဲကိုစေလွှတ်လိုက်တဲ့ ရုရှားအာကာသယာဉ်မှူးနဲ့ ပထမဆုံး ဌာနေ အမေရိကန် အမျိုးသမီးအပါအဝင် SpaceX Crew Dragon အဖွဲ့မှ အဖွဲ့ဝင် ၄ ဦးဟာ နိုင်ငံတကာအာကာသစခန်း (ISS) ကို အောက်တိုဘာ ၆ ရက်က ဘေးကင်းစွာနဲ့ ပြန်လည် ဆိုက်ကပ်ခဲ့ပါတယ်။ 

ယာဉ် နှစ်စီးဟာ အာဖရိက အနောက်ဘက်ကမ်းရိုးတန်းမှ ကမ္ဘာမြေပြင်အထက် မိုင် ၂၅၀ အကွာမှာ ကမ္ဘာကို လှည့်ပတ်နေခဲ့ပြီး ISS ကို ၂၉ နာရီကြာ ပျံသန်းပြီးနောက်မှာ ပတ်လမ်းရှိ ဓာတ်ခွဲခန်းကို ရောက်ရှိလာခဲ့ကြောင်း နာဆာထုတ်ပြန်ချက်အရ သိရပါတယ်။ 

ဖလော်ရီဒါပြည်နယ် ကာနာဗီရလ် အငူရှိ နာဆာရဲ့ ကနေဒီအာကာသစင်တာကနေ  လွှတ်တင်ခဲ့တဲ့ SpaceX Falcon 9 ဒုံးပျံရဲ့အပေါ်မှာ Endurance လို့ နာမည်ပေးထားတဲ့ အလိုအလျောက် ပျံသန်းနေတဲ့ Crew Dragon အာကာသယာဉ် အသေးစားလေးကို ဗုဒ္ဓဟူးနေ့မှာ ပတ်လမ်းထဲကို ထည့်ပေးလိုက်တာ ဖြစ်ပါတယ်။ 

ဒီအဖွဲ့ကို နာဆာမှ  အာကာသထဲ  စေလွှတ်လိုက်တဲ့ ပထမဆုံး ဌာနေတိုင်းရင်းသူ အမေရိကန် မျိုးသမီး နီကိုးလ်အန်နူပါမန်းက ဦးဆောင်ခဲ့တာဖြစ်ပြီး သူဟာ SpaceX Crew Dragon ရဲ့ အကြီးအမှူးနေရာမှာ ပထမဆုံး ထိုင်ခဲ့ရသူ ဖြစ်လာပါတယ်။ 

SpaceX ဟာ နာဆာ မဟုတ်တဲ့ ယာဉ်တွေ အပါအဝင် ကမ္ဘာပတ်လမ်းကြောင်းထဲကို အဖွဲ့၀င်တွေ လိုက်ပါတဲ့ မစ်ရှင် ၈ ခု ကို ပျံသန်းခဲ့ပြီးဖြစ်ပါတယ်။