အမေရိကန်နိုင်ငံ၊ အီလီနိုက်စ်ပြည်နယ် ဟိုက်လန်းပါ့ခ်မြို့က သေနတ်ပစ်ခတ်မှုအတွင်း သေဆုံးသွားသူတွေကို ဝမ်းနည်းတဲ့အထိမ်းအမှတ်အနေနဲ့ အိမ်ဖြူတော်မှာ ဇူလိုင် ၄ ရက်နေ့က နိုင်ငံတော်အလံကို တိုင်တဝက်ချထားတာကို တွေ့ရပါတယ်။
ဇူလိုင် ၄ ရက် အမေရိကန် လွတ်လပ်ရေးနေ့ ဂုဏ်ပြုချီတက်သူတွေကို သေနတ်နဲ့ ပစ်တယ်လို့ သံသယရှိသူဟာ အသက် ၂၁ နှစ်အရွယ် ရောဘတ် ခရင်မို Robert E. Crimo III ဆိုသူဖြစ်ပြီး သူ့ကို ရဲက ဖမ်းဆီးထိန်းသိမ်းထားပါတယ်။
ပစ်ခတ်မှုအတွင်း လူ ၆ ယောက်သေဆုံးပြီး ၃၀ ဒဏ်ရာရသွားပါတယ်။ သေနတ်သမားဟာ ရိုင်ဖယ်သေနတ်ကို တရားမဝင် ကိုင်ဆိုင်ထားတာဖြစ်ပြီး အမျိုးသမီး အဝတ်အစားကို ဝတ်ပြီး တိုက်ခေါင်မိုးပေါ်ကနေ လမ်းလျှောက်ချီတက်နေသူတွေကို သေနတ်အချက်ပေါင်း ၇၀ ကျော် ပစ်ခတ်ခဲ့တယ်လို့ ဒေသအာဏာပိုင်တွေက ပြောပါတယ်။
သေနတ်သမားဟာ ဒီလို ပစ်ခတ်ဖို့အတွက် ရက်သတ္တပတ်ပေါင်းများစွာကတည်းက စီစဉ်ခဲ့တာ ဖြစ်ပြီး အခုတော့ သူ့ကို စွဲချက်တင်မယ့် အမှုကို စိစစ်နေပါတယ်။
