အိုမီခရွန် ကိုရိုနာဗိုင်းရပ်စ်မျိုးကွဲဟာ ဒီဇင်ဘာ ၂၅ ရက်အထိဆိုရင် နိုင်ငံပေါင်း ၁၁၀ ကို ကူးစက်နေပြီလို့ ကမ္ဘာ့ကျန်းမာရေးအဖွဲ့ (WHO) က ပြောပါတယ်။
ဓာတ်ခွဲခန်းစမ်းသပ်ချက်တွေအရ ဒဲလ်တာဗိုင်းရပ်စ်နဲ့ နှိုင်းယဉ်ရင် အိုမီခရွန်ဗိုင်းရပ်စ်က ပိုပြီး ကူးစက်မှုမြန်တယ်လို့လည်း အတည်ပြု ပြောဆိုပါတယ်။
ကူးစက်မှုဖြစ်ပွားနေတဲ့ တိုင်းပြည်တွေကို စောင့်ကြည့်လေ့လာမှုအရ နှစ်ရက်နဲ့ သုံးရက်အတွင်း အိုမီခရွန်က ဒဲလ်တာထက် နှစ်ဆ သိသိသာသာ ပျံ့နှံ့သွားတာ တွေ့ရှိပါတယ်။ ဒါပေမဲ့ တောင်အာဖရိက၊ ဗြိတိန်နဲ့ ဒိန်းမတ်တို့က သုတေသနအချက်အလက်တွေအရ အိုမီခရွန်ဗိုင်းရပ်စ်အသစ်က ဒဲလ်တာဗိုင်းရပ်စ်ထက် အန္တရာယ်ပေးနိုင်မှု လျော့နည်းတာကို တွေ့ရှိပါတယ်။
အိုမီခရွန်ဗိုင်းရပ်စ်သီးသန့်ကို တိုက်ဖျက်မယ့် ကိုဗစ်ကာကွယ်ဆေး စမ်းသပ်ရှာဖွေမှုကလည်း အပြည့်အဝ မအောင်မြင်သေးဘူးလို့ ပြောပါတယ်။
