မကွေးတိုင်း၊ ရေစကြိုမြို့ရှိ နေရှင်နယ် လက်ဖက်ရည်ဆိုင်ထဲမှာ သြဂုတ် ၃၁ ရက်နေ့ မနက် ၉ နာရီဝန်းကျင်လောက်က ဗုံး ၁ လုံးပေါက်ကွဲခဲ့တယ်လို့ ဒေသခံတွေဆီက သိရပါတယ်။

မျက်မြင်ဒေသခံတဦးက "အဲ့ဒီဆိုင်ပိုင်ရှင်က ဆန္ဒပြသပိတ်စစ်ကြောင်းတွေရဲ့သတင်းတွေကို သတင်းပေးလို့ နာမည်ကြီးနေတဲ့ ပျူစောထီးအဖွဲ့ဝင်တွေနဲ့ ကြံ့ခိုင်ရေးပါတီဝင်တွေ အများစု ထိုင်တဲ့ဆိုင်ပေါ့။ ထိခိုက်ပျက်စီးမှုတော့ မသိရသေးဘူး” လို့ ပြောပါတယ်။

ပေါက်ကွဲမှုဖြစ်ပွားပြီးနောက် စစ်ကောင်စီတပ်ဖွဲ့ဝင်တွေ ရောက်လာပြီး ဆိုင်အတွင်း စစ်ဆေးတာတွေ၊ လမ်းသွားလမ်းလာတွေကို ရိုက်နှက်စစ်ဆေးတာတွေပြုလုပ်နေပြီး မြို့ပေါ်ကို လည်း လှည့်ပတ်နေတယ်လို့ ဒေသခံတွေဆီက သိရပါတယ်။

အခုဗုံးဖောက်ကွဲမှုကို ဘယ်အဖွဲ့က ပြုလုပ်တယ်ဆိုတာနဲ့ ထိခိုက်ပျက်စီးမှု အခြေအနေတွေကို ဒီဗွီဘီက ဆက်လက်စုံစမ်းနေပါတယ်။