ရုရှားဟာ နျူကလီယားလက်နက် စမ်းသပ်ဖို့ ပြင်ဆင်နေတယ်ဆိုတဲ့သတင်းတွေနဲ့ ပတ်သက်ပြီး ကရင်မလင်နန်းတော်က ငြင်းဆိုလိုက်ပြီး နျူကလီးယားလက်နက်စမ်းသပ်မှုအပေါ် ဆိုင်းငံ့ထားခြင်းကို ဘက်ပေါင်းစုံကနေ ဆက်လက်လိုက်နာနေတယ်လို့လည်း ပြောပါတယ်။
ရုရှားနဲ့ အမေရိကန်တို့ကြား နျူကလီးယားတင်းမာမှုတွေဟာ ယူကရိန်းနဲ့ ပဋိပက္ခ စတင်ချိန်ကတည်းက မြင့်တက်လာခဲ့တာပါ။
ရုရှားသမ္မတ ဗလာဒီမာပူတင်က သူ့ရဲ့ "နယ်မြေပိုင်ဆိုင်မှုကို ကာကွယ်ဖို့ လိုအပ်လာရင် သူ့ရဲ့နျူကလီးယားလက်နက်တိုက်ကို အသုံးပြုဖို့ အဆင်သင့်ပဲလို့ အကြိမ်ကြိမ် ထုတ်ပြောထားပါတယ်။
ဖေဖော်ဝါရီလတုန်းက ပူတင်ဟာ အမေရိကန်နဲ့ နောက်ဆုံးလက်ကျန် နျူကလီးယားလက်နက် သဘောတူညီချက်ဖြစ်တဲ့ New START ဆိုတဲ့အမေရိကန်နဲ့ ရုရှားဖက်ဒရေးရှင်းတို့ကြား နျူလက်နက်လျှော့ချရေးစာချုပ်မှာ ရုရှားပါဝင်မှုကို ဆိုင်းငံ့ထားကြောင်း ကြေညာခဲ့ပါတယ်။
အဲဒီစာချုပ်အရ တစ်ဖက်နဲ့တစ်ဖက် တပ်ဖြန့်နိုင်တဲ့ ဗျူဟာမြောက် ထိပ်ဖူးအရေအတွက်ကို ကန့်သတ်ထားပါတယ်။
