တော်လှန်နယ်မြေတနေရာမှာ ဖွင့်လှစ်ထားတဲ့ “နွေဦးကျန်းမာ” ဆေးရုံမှာ လိုအပ်တဲ့ ဆေးဝါးနဲ့ စက်ပစ္စည်းလိုအပ်ချက်တွေအတွက် “ကျန်းမာရှေ့ဆက် စစ်တပ်အမြစ်ဖြတ်” ကမ်ပိန်းမှာ ပြည်သူတွေအနေနဲ့ အားလုံးပါဝင်နိုင်ဖို့ ဆေးတက္ကသိုလ် ၂၊ ရန်ကုန် ကျောင်းသားကော်မတီက ဖိတ်ခေါ်ထားပါတယ်။
“ကရင်နီဒေသကို မာရှယ်လောမြို့နယ်တွေထဲမှာထည့်သွင်းလာခဲ့တာဟာ စစ်ကောင်စီအတွက် အကန့်အသတ်မရှိ ယုတ်မာကြဖို့ အခွင့်အရေးပိုရသွားတာ ဖြစ်ပါတယ်။ လက်ရှိ ဒေသကာကွယ်ရေးတပ်ဖွဲ့များနဲ့ စကစ စစ်ကြောင်းများ နေ့စဉ်ရက်ဆက် ဆိုသလို တိုက်ပွဲများဖြစ်ပွါးနေပြီး ကာကွယ်ရေး၊ ကျန်းမာရေးလိုအပ်ချက်များ ဆက်တိုက် တိုးပွားလာနေပြီ ဖြစ်ပါတယ်။ မိမိတို့အနေဖြင့် တိုက်ပွဲကာလ အရေးပေါ်ကျန်းမာရေးစောင့်ရှောက်မှုများကို အချိန်နဲ့တပြေးညီ ပြင်ဆင်ချိတ်ဆက် ဆောင်ရွက်လျက်ရှိပြီး လိုအပ်ချက်များကိုလည်း ဖြည့်ဆည်းနိုင်ရန် ကြိုးစားလျက်ရှိပါသည်။ လက်ရှိ နွေဦးကျန်းမာ ဆေးရုံ နှင့် ကျန်းမာရေးကဏ္ဍ ပူးပေါင်းဆောင်ရွက်လျက်ရှိပြီး ဆေးဝါး နှင့် စက်ပစ္စည်းလိုအပ်ချက်များအတွက် ပြည်သူများထံ ဆုမဲလက်ဆောင်များရောင်းချမည်ဖြစ်ပါသည်။”
နွေဦးကျန်းမာဆေးရုံကိုတော့ ဆေးတက္ကသိုလ် ၂၊ ရန်ကုန် ကျောင်းသားကော်မတီက ဦးဆောင်ကာ ပြီးခဲ့တဲ့ ၂၀၂၂ ခုနှစ်၊ ဇန်နဝါရီ ၄ ရက် လွတ်လပ်ရေးနေ့တုန်းက စေတနာ့ဝန်ထမ်း ဆရာ၊ ဆရာမတွေနဲ့ ဦးစီးဖွင့် လှစ်လိုက်တာဖြစ်ပြီး အတွင်းလူနာဌာန၊ ကလေးကုသဆောင်၊ ခွဲစိတ်ခန်းနဲ့ လူနာ သယ်ယူပို့ဆောင်ရေးစနစ်တွေကို ပြင်ဆင်နေကာ လိုအပ်တဲ့ ဆေးဝါးနဲ့ စက်ပစ္စည်းတွေကိုလည်း တပ်ဆင်ထားတယ်လို့ ဆိုပါတယ်။
လတ်တလော လိုအပ်နေတဲ့ ဆေးဂိုဒေါင်ဖြည့်နိုင်ဖို့နဲ့ အရေးပေါ် စက်ပစ္စည်းဝယ်ယူနိုင်ဖို့အတွက် “ကျန်းမာရှေ့ဆက် စစ်တပ်အမြစ်ဖြတ်” ကမ်ပိန်းကနေ ရန်ပုံငွေကျပ်သိန်း ၅၀၀ ရရှိနိုင်ဖို့ လျာထားပြီး လက်မှတ် တစောင်ကို မြန်မာငွေကျပ် ၂ သောင်းနဲ့ နိုင်ငံတကာ သတ်မှတ်ငွေကြေးတွေအလိုက် ရောင်းချသွားမှာဖြစ်ကာ ပထမဆု - iPhone 14၊ ဒုတိယဆု - အင်ဒိုနီးရှားနိုင်ငံ ဘာလီကျွန်းခရီးစဉ်ကံထူးရှင် ၂ ယောက်( တော်လှန်ရေးကာလအလွန်)၊ တတိယဆု - Lančome Beauty Box or Blue Label၊ စတုတ္ထဆု - Versace Eros 100 ml ဆုမဲတွေ အသီးသီး သတ်မှတ်ထားပါတယ်။
“စခ များကို နိုင်စေချင်ရင် မကူပါနဲ့။ မြို့ပြက အဆင်ပြေတဲ့ဘဝတွေနဲ့ အလှမ်းဝေးတဲ့ အသက်တွေ လျစ်လှူရှုနိုင်တယ်ဆို မကူပါနဲ့။ အနာဂါတ် နဲ့ အိပ်မက်တွေမရှိစေတော့ချင်ရင် မကူပါနဲ့။ အပြစ်မဲ့တဲ့ အသက်တွေ ၊ အကျဉ်းစံရဲဘော်ရဲဘက်တွေအတွက် တာဝန်ရှိတယ်လို့မခံစားရရင်မကူပါနဲ့။ ဒီအတိုင်းအဆင်ပြေကြတယ်ဆိုမကူပါနဲ့။ ၂၀,၀၀၀ ကျပ်နဲ့ အသက်တစ်ချောင်းကို ကူနိုင်ခဲ့တာ ဂုဏ်ယူကြလိုက်ပါ တော်လှန်အမျိုးတို့ ခင်ဗျာ။”
လက်ရှိကာလ မြန်မာနိုင်ငံမှာ စစ်ကောင်စီက မတရားအာဏာသိမ်းယူထားခဲ့တာ ၂ နှစ်ကျော် ကြာမြင့်ခဲ့ပြီဖြစ်ကာ ဒီကာလတွေအတွင်း နိုင်ငံရေးမတည်ငြိမ်မှုတွေနဲ့အတူ စီးပွားရေး၊ လူမှုရေး၊ ပြည်သူ့ကျန်းမာရေး စောင့်ရှောက်မှု တွေမှာ အဘက်ဘက်က ကျဆင်းနေပါတယ်။
ဒါ့အပြင် စစ်ကောင်စီဟာ အာဏာဖီဆန်ရေးလှုပ်ရှားမှု(CDM)မှာ ဦးဆောင်ပါဝင်ခဲ့ကြတဲ့ ဆရာဝန်၊ သူနာပြုစတဲ့ ကျန်းမာရေးဝန်ထမ်းတွေအပါအဝင် စစ်အာဏာသိမ်းမှုကို ဆန့်ကျင်တဲ့ ပြည်သူတွေ ကို လက်နက် အားကိုးဖြိုခွင်းမှုတွေ ဆက်တိုက်လုပ်ဆောင်နေတာ ဖြစ်ပါတယ်။
တော်လှန်နယ်မြေတနေရာမှာ ဖွင့်လှစ်ထားတဲ့ “နွေဦးကျန်းမာ” ဆေးရုံမှာ အတူတကွ လက်တွဲ လုပ်ဆောင်နိုင်မယ့် CDM အထူးကုဆရာဝန်တွေနဲ့ သူနာပြုဝန်ထမ်းတွေကို ခေါ်ယူနေပါတယ်။
ဒီဆေးရုံကိုတော့ ဆေးတက္ကသိုလ် ၂၊ ရန်ကုန် ကျောင်းသားကော်မတီက ဦးဆောင်ကာ ပြီးခဲ့တဲ့ ဇန်နဝါရီ ၄ ရက် လွတ်လပ်ရေးနေ့တုန်းက စေတနာ့ဝန်ထမ်း ဆရာ၊ ဆရာမတွေနဲ့ ဦးစီးဖွင့်လှစ်လိုက်တာဖြစ်ပြီး အတွင်းလူနာဌာန၊ ကလေးကုသဆောင်၊ ခွဲစိတ်ခန်းနဲ့ လူနာ သယ်ယူပို့ဆောင်ရေးစနစ်တွေကို ပြင်ဆင်နေကာ လိုအပ်တဲ့ ဆေးဝါးနဲ့ စက်ပစ္စည်းတွေကိုလည်း တပ်ဆင်ထားတယ်လို့ ဆိုပါတယ်။
လတ်တလော လိုအပ်နေတဲ့ ကျန်းမာရေးပညာရှင်တွေ ခေါ်ယူမှုမှာတော့ အကြမ်းမဖက် အာဏာဖီဆန်ရေးလှုပ်ရှားမှု (CDM) ပြုလုပ်ထားတဲ့ အရိုးခွဲစိတ် အထူးကုဆရာဝန် ၁ ယောက်၊ အထွေထွေခွဲစိတ်ဆရာဝန် ၁ ယောက်၊ မေ့ဆေး အထူးကုဆရာဝန် ၁ ယောက်၊ သမားတော် ၁ ယောက်၊ အထက်တန်းသူနာပြု ၂ ယောက်နဲ့ သူနာပြု ၃ ယောက် ခေါ်ယူထားပြီး သက်ဆိုင်ရာ အထူးကုဘာသာရပ်အသီးသီးအတွက် ဘွဲ့လွန်သင် တန်းတက်ရောက်နေကြတဲ့ CDM ဆရာဝန်တွေပါ လျှောက်ထားနိုင်တယ်လို့ ဆိုပါတယ်။
တာဝန်လာရောက်ထမ်းဆောင်ကြမယ့် ကျန်းမာရေးပညာရှင်တွေအတွက် နေထိုင်ရေးနဲ့ စားသောက်ရေး၊ လုံခြုံရေးနဲ့ လစဉ်ဂုဏ်ပြုချီးမြှင့်ငွေတွေကိုပါ “နွေဦးကျန်းမာ” ဆေးရုံကနေ တာဝန်ယူဆောင်ရွက်ပေးသွားမှာဖြစ်ပြီး အတူတကွ လက်တွဲဆောင်ရွက်လိုပါက ဆေးတက္ကသိုလ် ၂၊ ရန်ကုန်ကျောင်းသားကော်မတီဖေ့စ်ဘွတ်ခ် စာမျက်မှာကတဆင့် ဒါမှမဟုတ် အီးမေးလ်လိပ်စာ [email protected] တွေဆီ ဆက်သွယ်နိုင်တယ်လို့ သိရပါတယ်။
ဒါ့အပြင် ဒီဆေးရုံကို အဆင့်မြှင့်တင်ပြီးရင်တော့ ကျေးရွာပေါင်း ၃၀ ကျော်နဲ့ လူဦးရေ ၁၅၀၀၀ ကျော်ထိ ကျန်းမာရေးစောင့်ရှောက်မှု လွှမ်းခြုံနိုင်မှာဖြစ်ပြီး ဆေးရုံရဲ့ အထွေထွေ လိုအပ်ချက်တွေအတွက် လှူဒါန်းလိုပါကလည်း ဆက်သွယ်လှူဒါန်းနိုင်မယ်လို့ ပြောထားပါတယ်။
မြန်မာနိုင်ငံမှာ စစ်ကောင်စီက မတရားအာဏာသိမ်းယူထားခဲ့တာ ၁ နှစ်ခွဲကျော် ကြာမြင့်ခဲ့ပြီဖြစ်ကာ ဒီကာလတွေအတွင်း နိုင်ငံရေးမတည်ငြိမ်မှုတွေနဲ့အတူ စီးပွားရေး၊ လူမှုရေး၊ ပြည်သူ့ကျန်းမာရေး စောင့်ရှောက်မှုတွေမှာ အဘက်ဘက်က ကျဆင်းနေပါတယ်။
အမျိုးသားညီညွတ်ရေးအစိုးရ (NUG) က ထုတ်ပြန်ခဲ့တဲ့ ကိုဗစ်-၁၉ ရောဂါဖြစ်ပွားမှုဆိုင်ရာ စစ်တမ်းမှာတွေ့ရှိရတဲ့ အထောက်အထားတွေအရ ဆေးရုံမှာ စောင့်ရှောက်ကုသဖို့ လိုအပ်တဲ့ လူနာတွေ ဆေးရုံမတက် ရောက်နိုင်တာ၊ အွန်လိုင်းကသာ ကုသမှုခံယူနေကြရတာ၊ စစ်ကောင်စီက အမှန်တကယ် သေဆုံးနှုန်းကို မဖော်ပြနိုင်တာစတဲ့ အချက်တွေဟာ ထင်ရှားနေတာမို့ စစ်ကောင်စီဟာ ကိုဗစ်-၁၉ ကာကွယ်၊ ထိန်းချုပ်၊ ကုသမှုလုပ်ငန်းတွေမှာ မှားယွင်းညံ့ဖျင်းစွာ စီမံနေတယ်လို့ သုံးသပ်ထားပါတယ်။
ဒါ့အပြင် ကိုဗစ်-၁၉ တတိယလှိုင်းကာလမှာ သေဆုံးသူတွေရဲ့ ၇၃ ရာခိုင်နှုန်းက လိုအပ်တဲ့ ဆေးရုံတွေမှာ တက်ရောက်ကုသခွင့်မရဘဲ နေအိမ်တွေမှာ သေဆုံးခဲ့ကြတယ်လို့ ဖော်ပြပါတယ်။
ဒါ့အပြင် စစ်ကောင်စီဟာ အာဏာဖီဆန်ရေးလှုပ်ရှားမှု(CDM)မှာ ဦးဆောင်ပါဝင်ခဲ့ကြတဲ့ ဆရာဝန်၊ သူနာပြုစတဲ့ ကျန်းမာရေးဝန်ထမ်းတွေအပါအဝင် စစ်အာဏာသိမ်းမှုကို ဆန့်ကျင်တဲ့ ပြည်သူတွေ ကို လက်နက် အားကိုးဖြိုခွင်းမှုတွေ ဆက်တိုက်လုပ်ဆောင်နေတာ ဖြစ်ပါတယ်။
