အီတလီနိုင်ငံ အဲ့လ်ပ်စ်တောင်တန်းမှာ အပူချိန် စံချိန်တင် မြင့်မားနေတာကြောင့် နှင်းခဲတောင်ပြိုကျပြီး အနည်းဆုံး လူ ၆ ယောက်သေဆုံးသွားတယ်လို့ ဒေသတွင်းသတင်းမှာ ဖော်ပြပါတယ်။
တောင်ပေါ် ကယ်ဆယ်ရေးအဖွဲ့က ထုတ်ပြန်တဲ့ ဗီဒီယိုထဲမှာ နှင်းတွေ ပြိုကျနေပုံကို တွေ့ရပြီး ရဟတ်ယညဉ်တစင်း တောင်စောင်းမှာ ပျံဝဲနေတာကို ရိုက်ကူးထားပါတယ်။
ကယ်ဆယ်ရေးလုပ်ငန်းတွေကို ဆက်လုပ်နေဆဲဖြစ်ပြီး အပျော်တမ်းတောင်တက်သမားတွေ အပါအဝင် ဒဏ်ရာရသူတွေ အများကြီး ရှိနိုင်တယ်လို့ ရဲအဖွဲ့က ဇူလိုင် ၃ ရက်မှာ ပြောပါတယ်။
နှင်းခဲတောင်ပြိုတဲ့ နေရာဟာ အဲ့လ်ပ်စ်တောင်တန်းရဲ့ အရှေ့ဘက်ခြမ်း ထရန်တိုနဲ့ ဗီနီတို ဒေသနှစ်ခု ကြားဒေသမှာ ဖြစ်တာလို့ ဆိုပါတယ်။
ဒဏ်ရာရသူတွေကို အနီးနားက ဗဲလန်နို၊ ထရီဗစ်ဆို၊ ထရန်တို၊ ဘိုဇန်နိုမြို့တွေမှာ ရှိတဲ့ ဆေးရုံတွေ ကို ပို့ထားလိုက်ပြီလို့ ပြောပါတယ်။
သေဆုံးသူ အရေအတွက် အတိအကျကိုတော့ အတည်ပြုနေဆဲ ဖြစ်ပါတယ်။
