ပြင်သစ်တိုက်စစ်မှူး အမ်ဘာပေက တစ်ဦးသာရှိတဲ့အတွက် နှိုင်းယှဉ်ခြင်းမပြုဖို့ အင်္ဂလန်ကြယ်ပွင့် ဘူကာယိုဆာကာက ပြောပါတယ်။

ပြင်သစ်နဲ့ အင်္ဂလန်တို့ကစားမယ့် ကွာတားဖိုင်နယ်ပွဲစဉ်မတိုင်ခင် သတင်းစာရှင်းလင်းပွဲမှာ ဆာကာကို အင်္ဂလန်ရဲ့အမ်ဘာပေအဖြစ် နှိုင်းယှဉ်မေးမြန်းခဲ့ရာမှာ ဆာကာက ပြန်လည်ဖြေကြားခဲ့တာပါ။

အမ်ဘာပေနဲ့ နှိုင်းယှဉ်ပြောလို့ ကျေးဇူးတင်ပေမယ့်  အဲဒီလိုမဟုတ်ကြောင်း၊  အမ်ဘာပေက တစ်ဦးတည်းရှိသလို သူဟာလည်း သူတစ်ဦးတည်းပဲရှိတယ်လို့ ဆာကာက ပြန်လည်ဖြေကြားခဲ့တာပါ။

“ကျနော်အသင်းကို ကူညီချင်ပါတယ်။ ကျတော်တို့အသင်းက လူငယ်တွေအပါအဝင် ခြေစွမ်းပြနေကြတာတွေ အများကြီးရှိပါတယ်။ အရေးကြီးဆုံးက ပြိုင်ပွဲမှာ ချန်ပီယံဖြစ်ဖို့ပါ။ အကောင်းဆုံး ကစားသမားဆုဒါမှမဟုတ် လူငယ်အကောင်းဆုံးဆုတွေရဖို့က အဓိက မဟုတ်ပါဘူး” လို့ ဆာကာက ပြောပါတယ်။

ပြင်သစ်အသင်းက အရည်အသွေးမြင့်အသင်းဖြစ်သလို အင်္ဂလန်အသင်းကလည်း ထူးချွန်တဲ့ ကစားသမားတွေရှိတာကြောင့် စိတ်လူပ်ရှားစရာပွဲစဉ်ဖြစ်လာ လိမ့်မယ်လို့လည်း ဆာကာက သုံးသပ်သွားခဲ့ပါတယ်။