close

ပန်းခြံ

close

November 21, 2022

တောင်ဥက္ကလာပ မီးသတ်ဦးစီးဌာနဘန်ကာနှင့် ပန်းခြံအတွင်း ဗုံးပေါက်

ရန်ကုန်တိုင်း၊ တောင်ဥက္ကလာပမြို့နယ် ၁၁ ရပ်ကွက် အောင်မေတ္တာလမ်းမပေါ်ရှိ မီးသတ်ဦးစီးဌာနအတွင်း စစ်ကောင်စီတပ်များလုံခြုံရေးယူထားတဲ့ ဘန်ကာနဲ့ သုမင်္ဂလာပန်းခြံအတွင်းမှာ ဒီကနေ့ညနေပိုင်းက ဗုံးပေါက်ကွဲမှုဖြစ်ခဲ့ပြီး စစ်ကောင်စီတပ်သားအချို့ ထိခိုက်ဒဏ်ရာရရှိခဲ့တယ်လို့ ရပ်ကွက်နေသူတွေက ပြောပါတယ်။ 

ဒီကနေ့ညနေ လေးနာရီက မီးသတ်ဦးစီးဌာနအတွင်းရှိ စစ်တပ်လုံခြုံရေးယူထားတဲ့ ဘန်ကာမှာ ဗုံးပေါက်ကွဲခဲ့ပြီး ထိခိုက်ဒဏ်ရာရရှိခဲ့တယ်လို့ ရပ်ကွက်နေသူတဦးက ပြောပါတယ်။

"ဗုံးကနှစ်လုံးပေါက်တာ တလုံးက ဘန်ကာမှာ ပေါက်တယ်၊ တလုံးပန်းခြံနားမှာ ပေါက်တယ်။ လူနာတင်ကားနဲ့ စစ်ကားတွေရောက်လာတယ်၊ စစ်သားအချို့ ဒဏ်ရာရတယ်။" 

ဗုံးပေါက်ကွဲပြီးနောက် စစ်ကောင်စီတပ်တွေဟာ ပဒေသာလမ်းဆုံနဲ့ အောင်မေတ္တာလမ်းမကြီးကို ပိတ်ဆို့စစ်ဆေးခဲ့တယ်လို့ ရပ်မိရပ်ဖတဦးက ပြောပါတယ်။

"ဗုံးပေါက်ပြီး ဗုံးတလုံးထပ်တွေ့လို့ လမ်းကို ပိတ်ပြီးရှာတာ အခုတော့ လမ်းဖွင့်ပေးလိုက်ပြီ။"

ဗုံးပေါက်ကွဲမှုကို ဘယ်အဖွဲ့က လုပ်တယ်ဆိုတာတော့ မသိရသေးပါဘူး။

မနေ့ကလည်း အလုံမြို့နယ် အောက်ကြည့်မြင်တိုင်လမ်းမပေါ်ရှိ သခင်မြပန်းခြံအတွင်းမှာ ဗုံးပေါက်ကွဲမှုဖြစ်ခဲ့ပြီး အမျိုးသားတဦး ထိခိုက်ဒဏ်ရာရရှိခဲ့ပါသေးတယ်။

ရန်ကုန်တိုင်းအတွင်းရှိ မြို့နယ်အချို့မှာ နိုဝင်ဘာ ၁ ရက်မှ ၂၁ ရက်နေ့အတွင်း ပစ်ခတ်မှုနဲ့ ဗုံးပေါက်ကွဲမှုများဖြစ်ခဲ့ပြီး ၇ ဦးသေဆုံးကာ ၇ ဦးဒဏ်ရာရရှိခဲ့ပါတယ်။

9 hours Ago

January 21, 2021

ရန်ကုန်က ပန်းခြံများ အချိန်အကန့်အသတ်ဖြင့် ပြန်ဖွင့်

ရန်ကုန်မြို့မှာရှိတဲ့  ပန်းခြံတွေကို ဇန်နဝါရီ ၂၁ ရက်ကစပြီး  မနက် ၅ နာရီကနေ ၉ နာရီခွဲ အထိ အချိန်အကန့်အသတ်နဲ့ ပြန်လည် ဖွင့်လှစ်လိုက်ပါတယ်။  ခရစ္စမတ်ကာလနဲ့ နိုင်ငံတကာရုံး ပိတ်ရက်ကာလတွေမှာ လူစုလူဝေး မဖြစ်ပေါ်စေဖို့ ရန်ကုန်တိုင်းထဲက အများပြည်သူစုဝေးတတ်တဲ့နေရာတွေဖြစ်တဲ့ ပြည်သူ့ဥယျာဉ် ၊ တိရစ္ဆာန်ဥယျာဉ်၊ အင်းယားကန်ဘောင်၊ ပန်းခြံတွေနဲ့အားကစား‌ကွင်းတွေကို  ပြီးခဲ့တဲ့ ဒီဇင်ဘာ ၂၁ ရက်ကနေ ၃၁ ရက်အထိ ခေတ္တပိတ်ထားဖို့ကို ဒီဇင်ဘာ ၁၈ ရက်က ထုတ်ပြန်ခဲ့ပါတယ်။  ဒီနောက်  ၁၀ ရက် သက်တမ်းတိုးပြီး ဇန်နဝါရီ ၂၀ ရက်နေ့အထိ ပိတ်ထားရာက ဒီနေ့ မနက် အကန့်အသတ်နဲ့ ပြန်ဖွင့်လိုက်တာပါ။  ဒီကနေ့မနက် ပန်းခြံတွေ စတင်ဖွင့်တဲ့နေ့မှာ ရန်ကုန်မြို့လယ်ကမ ဟာဗန္ဓုလပန်းခြံမှာလည်း အားကစားလုပ်သူတွေ ၊ ယောဂလေ့ကျင့်ခန်း လုပ်သူတွေရှိပေမဲ့ တော်တော်များများကတော့ အားကစားလုပ်ရာမှာ ၆ ပေခြားနဲ့ social distancing စည်းကမ်းကို လိုက်နာကြတာတွေ့ရပါတယ်။ ကိုဗစ်-၁၉ ရောဂါကူးစက်မှု မဖြစ်စေဖို့  ရည်ရွယ်ပြီး အခုလို ပန်းခြံတွေမှာ စုလူဝေး မဖြစ်အောင် အချိန်အကန့်အသတ်နဲ့ဖွင့်လှစ်ထားတာပါ။ ရန်ကုန်မြို့တော်စည်ပင်သာယာ နယ်နိမိတ်ထဲမှာ ပန်းခြံစုစုပေါင်း ၆၁ ခု ရှိပါတယ်။ ခင်ငြိမ်းချမ်း
2 years Ago
Up