ပရီးမီးယားလိဂ်ချန်ပီယံလုပွဲဟာ မပြီးဆုံးသေးကြောင်း မန်စီးတီးနည်းပြ ဂွါဒီယိုလာက ပြောသွား ပါတယ်။
ကြားရက်ပွဲစဉ်မှာ မန်စီးတီးက အမှတ်ပေးဇယားထပ်က အာဆင်နယ်ကို ၄ ဂိုး ၁ ဂိုး နဲ့ အနိုင်ရခဲ့ပြီးနောက် ချန်ပီယံလိဂ်ပွဲက ပြီးဆုံးသွားပြီးလို့ အများစုကခန့်မှန်းသုံးသပ်ခဲ့ကြတာပါ။
စီးတီးအသင်းဟာ အာဆင်နယ်နဲ့ ၂ မှတ်ကွာဟနေဆဲဖြစ်ပေမဲ့ နှစ်ပွဲလျော့ကစားထားလို့ လက်ကျန်နှစ်ပွဲ အနိုင်ရမယ်ဆိုရင် အာဆင်နယ်ကို ၄ မှတ်အထိ ဖြတ်ထားနိုင်မှာပါ။
နည်းပြဂွါဒီယိုလာကတော့ ချန်ပီယံလုပွဲ ပြီးဆုံးသွားပြီဆိုတဲ့အကြောင်း စတင်ကြားသိနေရပေမဲ့ ပြိုင်ပွဲပြီးဆုံးမှသာအဖြေပေါ် မယ်လို့ ပြောပါတယ်။
“ကျနော်တို့အတွက်အလွန်အရေးကြီးတဲ့ပွဲစဉ် ၇ ပွဲကျန်ပါသေးတယ်။ အာဆင်နယ်နဲ့ ပထမအကျော့တုန်းကလည်း အနိုင်ရရှိခဲ့လို့ အာဆင်နယ်ကို အမီလိုက်နိုင်ပြီလို့ ပြောခဲ့ကြပေမဲ့ နော်တင်ဟမ်ဖောရက်စ်နဲ့ပွဲမှာ သရေကျခဲ့တယ်။ ခုလည်း စုစည်းညီညွတ်မှုကောင်းပြီး ထူးခြားတဲ့ ဖူဟမ်အသင်းရဲ့ကွင်းကိုသွားကစားရပါဦးမယ်။ ကျနော်တို့ကိုယ့်အလုပ်ကို ကိုယ်လုပ်နိုင်မယ်ဆိုရင် ချန်ပီယံဆုနဲ့ နီးစပ်သွားမှာဖြစ်ပေမဲ့ ဒါက ပြီးဆုံးသွားတာတော့မဟုတ်ပါဘူး”လို့ ဂွါဒီယိုလာက ပြောပါတယ်။
နည်းပြအာတေတာရဲ့အကြောင်းကိုလည်းသိရှိပြီး အာဆင်နယ်ကစား သမားတွေဟာလည်း လက်လျှော့အရှုံးပေးသေးမှာမဟုတ်ကြောင်း နည်းပြဂွါဒီယိုလာကပြောပါတယ်။
