close

ပရီးမီးယားလိဂ်ပွဲစဉ်များ

close

August 28, 2022

စနေနေ့ပရီးမီးယားလိဂ်ပွဲစဉ်များတွင် လီဗာပူးအပါအဝင် အသင်းကြီးများအားလုံးအနိုင်ရ

စနေနေ့က ယှဉ်ပြိုင်ကစားခဲ့ကြတဲ့ ပရီးမီးယားလိဂ်ပွဲစဉ်တွေမှာ လီဗာပူးအပါအဝင်  အသင်းကြီးတွေအားလုံး နိုင်ပွဲကိုယ်စီ ရယူနိုင်ခဲ့ပါတယ်။

အစောဆုံးပွဲစဉ်ဖြစ်တဲ့ ဆောက်သမ်တန်နဲ့ မန်ယူအသင်းတို့ရဲ့ပွဲစဉ်မှာ မန်ယူအသင်းက ဘရူနိုဖာနန်ဒက်စ်ရဲ့ တစ်လုံးတည်းသောဂိုးနဲ့  နှစ်ပွဲဆက်တိုက်နိုင်ပွဲပြန်ရခဲ့ပါတယ်။ 

အလားတူ ချဲလ်ဆီးကလည်း ပွဲချိန်မိနစ် ၆၀ကျော်ကို တစ်ယောက်လျော့နဲ့ ကစားခဲ့ရပေမဲ့ လက်စတာကို ၂ ဂိုး ၁ ဂိုးနဲ့ အိမ်ကွင်းမှာ နိုင်ပွဲရခဲ့တာပါ။ 

လီဗာပူးကတော့ တန်းတက်ဘုန်းမောက် အသင်းကို ၉ ဂိုး ဂိုးမရှိနဲ့ ဂိုးပြတ်နိုင်ပြီး ဒီနှစ်ရာသီမှာ ပထမဆုံးနိုင်ပွဲရသွားသလို  မန်စီးတီးက ခရစ္စတယ်ပဲလေ့ကို ၄ ဂိုး  ၂ ဂိုးရလဒ်တွေနဲ့ အနိုင်ရခဲ့ပါတယ်။ 

စနေညနောက်ဆုံးပွဲစဉ်အဖြစ်ကစားခဲ့တဲ့ အာဆင်နယ်နဲ့ ဖူဟမ်တို့ရဲ့ လန်ဒန်ဒါဘီပွဲစဉ်မှာ အာဆင်နယ်က ၂ ဂိုး ၁ ဂိုးနဲ့ အနိုင်ရခဲ့ပါတယ်။ 

တနင်္ဂနွေနေ့မှာတော့ ကြီးခြောက်ကြီးစာရင်းဝင် အသင်းတစ်သင်းဖြစ်တဲ့ တော့တင်ဟမ်ဟော့စပါး က နော်တင်ဟမ်ဖောရက်နဲ့  ယှဉ်ပြိုင်သွားရမှာဖြစ်ပါတယ်။ 

4 mins Ago

May 2, 2020

ပရီးမီးယားလိဂ်ပွဲစဉ်များကို ကြားကွင်း ၁၀ ကွင်း၌ ကျင်းပရန် ဆွေးနွေး

ပရီးမီးယားလိဂ် လက်ကျန်ပွဲစဉ်တွေကို ကြားကွင်း ၁၀ ကွင်းမှာပဲ ကစားဖို့ ဆွေးနွေးခဲ့ကြပါတယ်။  လိဂ်တာဝန်ရှိသူတွေနဲ့ အသင်းတာဝန်ရှိသူတွေဟာ လိဂ်ပြိုင်ပွဲ ပြန်လည်ကျင်းနိုင်ဖို့နဲ့ စပ်လျဉ်းပြီး သောကြာနေ့က ၄ နာရီကြာ ဆွေးနွေးခဲ့ကြတာပါ။  ဆွေးနွေးပွဲမှာ လက်ကျန်ပွဲစဉ်တွေကို လူနေအိမ်တွေနဲ့ ဝေးတဲ့ ကွင်း ၁၀ ကွင်းမှာပဲ တံခါးပိတ် ကစားမယ့် အစီအစဉ်လည်း ပါဝင်ခဲ့ပါတယ်။  အဲဒီကွင်း ၁၀ ကွင်း ထဲမှာ ဝက်စ်ဟမ်းအသင်းရဲ့ လန်ဒန်ကွင်း၊ မန်စီးတီးအသင်းရဲ့ အီတီဟတ်ကွင်းနဲ့ အာဆင်နယ်အသင်းရဲ့ အီမရိတ်ကွင်းတွေ ပါဝင်တယ်လို့ သိရပါတယ်။  ပရီးမီးယားလိဂ်ဘက်ကတော့ အစည်းအဝေးနဲ့ ပတ်သက်ပြီး သတင်းထုတ်ပြန်ချက်တခု ပြုလုပ်ခဲ့ပြီး ကစားသမား၊ နည်းပြ၊ အသင်းဝန်ထမ်းတွေနဲ့ သက်ဆိုင်တာဝန်ရှိသူတွေအတွက် လုံခြုံစိတ်ချရမယ့် အခြေအနေကို ဖန်တီးပြီး ပွဲစဉ်တွေကို ဆက်လက်ယှဉ်ပြိုင်မယ်လို့ ဆိုပါတယ်။  နောက်ထပ် အစည်းအဝေးကိုတော့ လာမယ့် သောကြာနေ့မှာ ဆက်လက်ပြုလုပ်သွားမှာ ဖြစ်ပါတယ်။  လက်ရှိ စီစဉ်ထားမှုအရ မေလ ၁၈ ရက်မှာ လေ့ကျင့်ခန်းပြန်ဆင်းပြီး ဇွန် ၈ ရက်မှာ ပြိုင်ပွဲ စတင်နိုင်ဖို့ ရည်မှန်းထားပါတယ်။  နိုင်ငံခြားတိုင်းပြည်ရောက်နေတဲ့ ကစားသမားတွေကိုတော့ ၂ ပတ်လောက် တစ်ဦးတည်းနေထိုင်ဖို့ ကန့်သတ်သွားမယ်လို့ သိရပါတယ်။
2 years Ago
Up