တရုတ်နိုင်ငံမှာ ကျင်းပနေတဲ့ ပေကျင်း ဆောင်းရာသီအိုလံပစ်ပြိုင်ပွဲ ပိတ်ပွဲကို ဖေဖော်ဝါရီ ၂၀ က ကျင်းပခဲ့ပါတယ်။
ငှက်သိုက်အားကစားရုံမှာ ကျင်းပတဲ့ ဒီပွဲကို တရုတ်သမ္မတ ရှီကျင့်ဖျင်နဲ့ နိုင်ငံတကာ အိုလံပစ်ကောင်စီ ဥက္ကဋ္ဌ သောမတ်စ်ဘတ်ချ်တို့ တက်ရောက်ပါတယ်။
ကိုဗစ်-၁၉ ကပ်ရောဂါ ကူးစက်နေချိန် ခြောက်လအတွင်း ကျင်းပတဲ့ ဒုတိယ အိုလံပစ်ပွဲတော် ဖြစ်ပြီး ကူးစက်မှုထိန်းချုပ်ရေး အစွန်းရောက်ကန့်သတ်ချက်တွေနဲ့ ကျင်းပခဲ့တဲ့ပွဲအဖြစ် အမှတ်ရနေလိမ့်မယ်လို့ ရိုက်တာ သတင်းမှာ ဖော်ပြပါတယ်။
ပိတ်ပွဲမှာ မိနစ် ၉၀ ကြာအောင် မီးရှူးမီးပန်း ပစ်ဖောက်ခဲ့ပြီး တကမ္ဘာလုံး တမိသားစုတည်းဆိုတဲ့ စာသားကို မီးပန်းတွေနဲ့ ပုံဖော်ခဲ့ပါတယ်။
ပွဲစဉ်အတွင်း တရုတ်ရဲ့ စီစဉ်သူတွေကို ဘတ်ချ်က ချီးကျူးခဲ့ပြီး ကိုဗစ်-၁၉ ကပ်ဘေးမှာ စည်းလုံးကြဖို့နဲ့ ကာကွယ်ဆေး တန်းတူညီမျှရကြဖို့ တိုက်တွန်းခဲ့ပါတယ်။
တရုတ်ရဲ့ ရှင်းကျန်းပြည်နယ်အတွင်း လူ့အခွင့်အရေးစံချိန်နဲ့ပတ်သက်ပြီး ပေဂျင်းအိုလံပစ် ပွဲတော်ကို နိုင်ငံအတော်များများက သံတမန်ရေး သပိတ်မှောက်ထားခဲ့ပေမယ့် ရုရှားသမ္မတကတော့ ဖွင့်ပွဲကို တက်ရောက်ခဲ့ပါတယ်။
အိုလံပစ်ပွဲတော်မှာ ထောင်ချီတဲ့ နိုင်ငံခြားသား သတင်းထောက်တွေကို အတွင်းစည်း ကန့်သတ်ချက်ထဲမှာ ထားခဲ့လို့ ကျယ်ကျယ်ပြန့်ပြန့် သတင်းတင်ဆက်နိုင်စွမ်း မရှိခဲ့ကြပါဘူး။
