စစ်ကိုင်းတိုင်း၊ ပုလဲမြို့သပိတ် ဦးဆောင်သူတစ်ဦးဖြစ်တဲ့ ကဗျာဆရာ ကိုဇော်ထွန်း(ခ)ကိုခက်သီဟာ မေလ ၈ ရက်နေ့ညက ဖမ်းဆီးခံရပြီး ဒီကနေ့ မေလ ၉ ရက် နေ့လယ်ပိုင်းမှာ သေဆုံးသွားတယ်လို့ သိရပါတယ်။
“မနေ့ည ၉ နာရီလောက်က ရွှေဘိုမှာ ဖမ်းဆီးခံရပြီး စစ်ကြောရေးစစ်ဆေးပြီး သေဆုံးသွားခဲ့တယ်။ အလောင်းကပြန်သယ်လာပြီ။ ဒဏ်ရာတွေရတယ်။ ခုနေ့လယ်ပိုင်းမှာ သေဆုံးသွားတယ်လို့ အကြောင်းကြားလာတယ်” လို့ ကိုဇော်ထွန်း(ခ)ကိုခက်သီရဲ့ သူငယ်ချင်းက ပြောပါတယ်။
စစ်ကိုင်းတိုင်း ပုလဲမြို့က စစ်အာဏာရှင်ဆန့်ကျင်ရေး ဆန္ဒပြသပိတ် ဦးဆောင်သူတစ်ဦး မေလ ၈ ရက်နေ့ ညက ဖမ်းဆီးခံရတယ်လို့ သိရပါတယ်။
“မနေ့ညက ၉ နာရီလောက်မှာ ဖမ်းဆီးခံရတယ်။ သူ ပုလဲသပိတ် ဦးဆောင်ထဲ ပါတယ်။ အခု ဖမ်းခံရတာ ကိုဇော်ထွန်းပါ။ သူက ကဗျာဆရာတစ်ယောက်လည်း ဖြစ်ပါတယ်။ အရင် ကဗျာတွေ ရေးတယ်။ သူ့ရဲ့ကလောင်အမည်က ခက်သီပါ။ သူ့ကို ရွှေဘိုမှာ ဖမ်းဆီးခံရတယ်” လို့ ကဗျာဆရာ ကိုခက်သီရဲ့သူငယ်ချင်းက ပြောပါတယ်။
