close

ပေါက်ကွဲမီးလောင်

close

February 17, 2022

နယူးယောက်မြို့တွင် လောင်စာဆီတင်ယာဉ် တိုက်မိပြီး ပေါက်ကွဲမီးလောင်

အမေရိကန်နိုင်ငံ နယူးယောက်မြို့ လောင်းအိုင်လန်အရပ်မှာရှိတဲ့ စီးပွားရေး ရပ်ကွက်ထဲကို လောင်စာဆီတင် ယာဉ်တစီး မောင်းဝင် တိုက်မိခဲ့လို့ ဖေဖော်ဝါရီ ၁၅ ရက်က အကြီးအကျယ် ပေါက်ကွဲမီးလောင် ခဲ့ပါတယ်။

လောင်စာတင်ယာဉ်ဟာ မတိုက်မိခင်က ဓာတ်ဆီ ခန့်မှန်းခြေ ဂါလံ ၁၃၀၀၀ ​လောက် တင်လာခဲ့တယ်လို့ အေဘီစီ သတင်းဌာနက ဖော်ပြပါတယ်။

ကားမောင်းသူက ကားပေါ်ကနေ ထွက်ပြေးနိုင်ခဲ့ကာ အသေးစား ဒဏ်ရာတွေအတွက် ကုသခံ နေရတယ်လို့လည်း ဆိုပါတယ်။ မီးသတ်သမား သုံးယောက်ကိုလည်း ဒေသခံဆေးရုံမှာ ဆေးကုသ ပေးခဲ့ရပါတယ်။

ပေါက်ကွဲမီးလောင်ခဲ့တဲ့ နေရာဟာ ယာဉ်အသွားအလာများတဲ့ အဓိကလမ်းမကြီး ဖြစ်ရာ ဆန်းရိုက်စ် အဝေးပြေးလမ်းပိုင်းနဲ့ နီးတဲ့နေရာမှာလို့လည်း  မီဒီယာတွေက ဖော်ပြခဲ့ပါတယ်။ 

12 mins Ago

October 26, 2020

ခရိုင်းမီးယားဒေသတွင် ရုရှားရေနံတင်သင်္ဘော ပေါက်ကွဲမီးလောင်၊ ၃ ဦးပျောက်ဆုံး

ခရိုင်းမီးယားဒေသအရှေ့ပိုင်းက ကယက်ရှ်ရေလက်ကြားကိုဖြတ်ပြီး ရို့စ်တို့ဗ်အွန်ဒွန်ဆိပ်ကမ်းကို သွားနေတဲ့ ရုရှားရေနံတင်သင်္ဘောတစီး အောက်တိုဘာ ၂၄ ရက်မှာ ပေါက်ကွဲ မီးလောင်အပြီး လူ ၃ ယောက် ပျောက်နေတယ်လို့ ရုရှားပြည်ထောင်စုပင်လယ်ရေကြောင်း အေဂျင်စီက ပြောပါတယ်။ ရုရှားအရေးပေါ်ဝန်ကြီးဌာနကလည်း ပျောက်ဆုံးနေသူတွေကို ဆက်ရှာနေတယ်လို့ အောက်တိုဘာ ၂၅ ရက်မှာ ပြောပါတယ်။ ဟာဇီအက်စ်လာနော့ဗ်သင်္ဘောဟာ ရေနံတွေ တင်လာတာမဟုတ်ဘဲ ပေါက်ကွဲတာကတော့ လက်ကျန်အမြှုပ်တွေကြောင့် ဖြစ်နိုင်တယ်လို့လည်း ပြည်ထောင်စုပင်လယ်နဲ့ မြစ်ချောင်း သယ်ယူပို့ဆောင်ရေးအေဂျင်စီက ပြောပါတယ်။  ပျောက်ဆုံးနေသူတွေကို ၄၀၀ စတုရန်းကီလိုမီတာကျယ်တဲ့ ပင်လယ်ပြင်မှာ ကယ်ဆယ်ရေးသမားတွေက ညလုံးပေါက် ရှာနေတာပါ။ သင်္ဘောပေါ်မှာ လူ ၁၃ ယောက်ပါပြီး ၆ ယောက်ကို ကယ်နိုင်ခဲ့ပြီးပါပြီ။ လေးယောက်ကတော့ သင်္ဘောကုန်းပတ်ပေါ်မှာ ကျန်နေတယ်လို့ ဝန်ကြီးဌာနက သတင်းထုတ်ပြန်ထားပါတယ်။
1 year Ago
Up