အာဆင်နယ်အသင်းဟာ ပေါ်တူဂီကလပ် ပေါ်တိုအသင်းကွင်းလယ်လူ ဖာဘီယိုဗီယာရာကို ခေါ်ယူဖို့ သဘောတူညီမှု ရယူနိုင်ခဲ့ပါတယ်။
အသက် ၂၂ နှစ်ရှိ ပေါ်တူဂီ ယူ-၂၁ အသင်းခေါင်းဆောင် ဗီယာရာအတွက် အာဆင်နယ်အသင်းက ပေါင်သန်း ၃၀ နဲ့ သဘောတူညီမှုရခဲ့ပြီး ၅ နှစ်စာချုပ် ချုပ်ဆိုသွားမှာပါ။
ဗီယာရာဟာ ပြီးခဲ့တဲ့ရာသီက ပေါ်တိုအသင်းနဲ့အတူ ၂၇ ပွဲ ကစားခဲ့ရာမှာ ၇ ဂိုးသွင်းပြီး ၁၆ ကြိမ် ဂိုးဖန်တီးမှု ပြုလုပ်နိုင်ခဲ့လို့ ပေါ်တူဂီလိဂ်ရဲ့ ဂိုးဖန်တီးမှုအများဆုံး ကစားသမား ဖြစ်ခဲ့ပါတယ်။
ဖာဘီယို ဗီယာရာဟာ ကွင်းလယ် တိုက်စစ် နေရာစုံမှာကစားနိုင်ပြီး လာမယ့်ရာသီအတွက် အာဆင်နယ်အသင်းရဲ့ တတိယမြောက် ကစားသမားခေါ်ယူမှု ဖြစ်ပါတယ်။
အာဆင်နယ်အသင်းဟာ အမေရိကန်ဂိုးသမား မက်တာနာနဲ့ ဘရာဇီးကလပ် ဆာအိုပေါ်လို လူငယ်ကွင်းလယ်လူ မာကွင်ဟိုတို့ကိုလည်း ခေါ်ယူထားပါတယ်။
အာဆင်နယ်ဟာ မန်စီးတီးတိုက်စစ်မှူး ဂါဘရီယယ်ဂျေးဇူနဲ့ လက်စတာကွင်းလယ်လူ တိုင်လေမန်စ်တို့ကိုလည်း ခေါ်ယူဖို့ ကြိုးပမ်းနေပါတယ်။
