close

ပဲရစ်မြို့

close

October 23, 2022

ပြင်သစ်တက်ကြွလှုပ်ရှားသူများ ပဲရစ်မြို့မော်တော်ကားပြပွဲနေရာကို သိမ်းပိုက် ဆန္ဒပြ

ပြင်သစ်နိုင်ငံ၊ ပဲရစ်မြို့မှာ အောက်တိုဘာ ၂၁ ရက်က မော်တော်ကားပြပွဲပြုလုပ်နေတဲ့နေရာကို ပြင်သစ်တက်ကြွလှုပ်ရှားသူအဖွဲ့(ERF)က သိမ်းယူလိုက်ပြီး ဆန္ဒပြခဲ့ကြပါတယ်။

ဆန္ဒပြသူတချို့ဟာ ပြပွဲမှာပြသထားတဲ့ တန်ဖိုးကြီး ပြိုင်ကားတွေရဲ့ရှေ့မှာ ထိုင်ချပြီး ကားပေါ်မှာ လက်တွေကို ဖိကပ်ထားကာ ဆန္ဒပြခဲ့ကြတာဖြစ်ပြီး တချို့ကတော့ ကားဖျက်ဆီးမှုပြပွဲ လို့ရေးထားတဲ့ ဆိုင်းဘုတ်ကြီး တစ်ခုကို ဖြန့်ချပြထားပါတယ်။ 

ကမ္ဘာလုံးဆိုင်ရာ စွမ်းအင် အကျပ်အတည်းဖြစ်နေတဲ့ကြားမှာ တစ်ဦးချင်းစီ မော်တော်ကား အသုံးပြုဖို့အတွက် အဓိပ္ပါယ်မဲ့ အရောင်းမြှင့်တင်ရေးလုပ်နေတာကို ဆန့်ကျင် ဆန္ဒပြတာဖြစ်တယ်လို့ တက်ကြွလှုပ်ရှားသူတွေက ပြောပါတယ်။ 

သူတို့ဟာ ကားကြော်ငြာတွေကို တားမြစ်ဖို့နဲ့ အများပြည်သူသယ်ယူပို့ဆောင်ရေးလုပ်ငန်းတွေ မြှင့်တင်ဖို့ တောင်းဆိုခဲ့ပါတယ်။ 

မော်တော်ကားလုပ်ငန်းတွေဟာ ပတ်ဝန်းကျင်အတွက် ဆိုးကျိုးတွေရှိတယ်လို့ အငြင်းပွားဖွယ်ရာ လျှပ်စစ်နဲ့ ဟိုက်ဘရစ်ကားတွေကို အသုံးပြုပြီးတော့ သူတို့ရဲ့လုပ်ငန်းပုံရိပ်ကို သဘာဝပတ်ဝန်းကျင်ဆိုင်ရာတွေလုပ်ဆောင်ကြောင်း အထင်ရှိအောင် ကြိုးပမ်းနေတယ်လို့ ဆန္ဒပြအဖွဲ့က ပြောပါတယ်။ 

လောင်စာဆီနဲ့ လျှပ်စစ်ဓာတ်အား ကုန်ကျစရိတ်တွေ မြင့်တက်လာတာကြောင့် စီးပွားရေးမကောင်းတဲ့ ပြင်သစ်လူမျိုးတွေကို ကူညီဖို့အတွက် ပိုကောင်းမွန်တဲ့အများပြည်သူ သယ်ယူပို့ဆောင်ရေးစနစ်ကို လိုအပ်တယ်လို့ ရာသီဥတုဆိုင်ရာ လှုပ်ရှားမှုအဖွဲ့က ပြောပါတယ်။

6 mins Ago

June 17, 2020

ပဲရစ်မြို့တွင် ဆန္ဒပြကျန်းမာရေးဝန်ထမ်းများကို ရဲတပ်ဖွဲ့က မျက်ရည်ယိုဗုံးဖြင့် လူစုခွဲ

ပြင်သစ်နိုင်ငံ ပဲရစ်မြို့မှာ ဇွန် ၁၆ ရက်က ငြိမ်းငြိမ်းချမ်းချမ်း ဆန္ဒပြနေတဲ့ ကျန်းမာရေးဝန်ထမ်းတွေကို  အကြမ်းဖက်အုပ်စုတွေက ဝင်စီးပြီး ရဲတပ်ဖွဲ့ကို  တိုက်ခိုက်တယ်လို့  ပဲရစ်ရဲတပ်ဖွဲ့က ပြောပါတယ်။ ခဏအကြာမှာတော့ အဓိကရုဏ်းရဲတွေ စုဝေးပြီး ဆန္ဒပြလူအုပ်ကို မျက်ရည်ယိုဓာတ်ငွေ့သုံး  လူစုခွဲခဲ့ပါတယ်။ ရဲတပ်ဖွဲ့ တွစ်တာလူမှုကွန်ရက်မှာ တင်တဲ့ ဗွီဒီယိုထဲမှာ ဆန္ဒပြသူအများအပြားက ပက်လက်လန်နေတဲ့ ကားတစ်စီးကို လမ်းလယ်ကောင် တွန်းပို့နေတာကို တွေ့ရပါတယ်။ ပြင်သစ်နိုင်ငံမှာ အလုပ်ခွင်အခြေအနေ ဆိုးရွားတာ၊ လစာနည်းပါးတာနဲ့ လုပ်ငန်းခွင်မှာ   တကိုယ်ရေ လိုအပ်ပစ္စည်းတွေ မရှိတာကို ကျန်းမာရေးဝန်ထမ်းတွေက ဆန့်ကျင်တောင်းဆို ဆန္ဒပြနေတာပါ။ အလုပ်သမားသမဂ္ဂ ကျောထောက်နောက်ခံနဲ့ လုပ်နေတဲ့ ဆန္ဒပြပွဲတွေဟာ လချီ ကြာမြင့်ခဲ့ပြီး ကိုဗစ်-၁၉ ကပ်ရောဂါကြောင့် ဆန္ဒပြပွဲတွေကို ခေတ္တရပ်ခဲ့တယ်လို့ ရိုက်တာသတင်းအရ သိရပါတယ်။
2 years Ago
Up