တောင်ပံတိုက်စစ်မှူး ဝီးဖရတ်ဒ်ဇာဟာကို ဆက်ထိန်းဖို့ အစွမ်းကုန်လုပ်ဆောင်သွားမှာဖြစ်ကြောင်း ခရစ္စတယ်ပဲလေ့နည်းပြ ဗီအဲယာကပြောပါတယ်။
ဇာဟာ ဟာအခုနှစ်ရာသီအကုန်မှာ စာချုပ်သက်တမ်း ကုန်ဆုံးမှာဖြစ်ပြီး စာချုပ်သက်တမ်းတိုးဖို့ လိုအပ်နေတာပါ။
လက်ရှိအချိန်အထိ သဘောတူညီမှုမရသေးပေမယ့် ဇာဟာကို အသင်းမှာဆက်ရှိဖို့ အစွမ်းကုန်လုပ်ဆောင်သွားရမယ်လို့ နည်းပြဗီအဲယာကပြောပါတယ်။
ဇာဟာဘက်ကလည်း အသင်းမှာဆက်ရှိနေလိုတယ်ဆိုတာ သံသယ ဖြစ်စရာမရှိကြောင်း၊ တချိန်တည်းမှာပဲ မိမိတို့အသင်းဘက်ကလည်း ဘယ်လောက်အထိရည်မှန်းချက် ရှိတယ်ဆိုတာ ပြသဖို့လိုအပ်ကြောင်း နည်းပြ ဗီအဲယာကပြောပါတယ်။
အသက် ၂၉ နှစ်ရှိ အိုင်ဗရီကို့စ် တိုက်စစ်ကစားသမားဟာ ၂၀၁၃ ခုနှစ်က မန်ယူအသင်းဆီ ပြောင်းရွှေ့ခဲ့ဖူးပေမယ့် ၂၀၁၄ ခုနှစ်မှ အငှားစာချုပ်နဲ့ပြန်လာခဲ့ပြီး ၂၀၁၅ ခုနှစ်မှာ အပြီးသတ်စာချုပ်ချုပ်ဆိုခဲ့တာပါ။
သူဟာ ပဲလေ့အသင်းမှာ ပွဲပေါင်း၄၀၀ ကျော်ကစားထားပြီး ဂိုး ၈၀ ကျော်သွင်းယူပေးထားပါတယ်။
