close

ပျူစောထီးနေအိမ်နှင့် EPC ရုံး

close

February 12, 2022

ကျုံပျော်တွင် ပျူစောထီးနေအိမ်နှင့် EPC ရုံး ဗုံးကွဲ

ဧရာဝတီတိုင်း၊ ကျုံပျော်မြို့နယ်မှာ ဖေဖော်ဝါရီ ၁၂ ရက် မနက်အစောပိုင်းက ပျူစောထီးအဖွဲ့ဝင် တယောက်ရဲ့ နေအိမ်မှာ ဗုံးပေါက်ကွဲခဲ့တယ်လို့ ဒေသခံတွေထံက သိရပါတယ်။ 

ကျွဲခြံထောင့်အုပ်စု၊ သပြေငူကျေးရွာက စစ်မှုထမ်းဟောင်း ပျူစောထီးအဖွဲ့ဝင် ဦးသန်းဝင်း နေအိမ်ကို မနက် ၃ နာရီလောက်မှာ ဖောက်ခွဲတိုက်ခိုက်ခဲ့တယ်လို့  ကျုံပျော်မြို့ပြပြောက်ကျားတပ်ဖွဲ့က သတင်းထုတ်ပြန်ထားပါတယ်။ 

“ဗုံးပေါက်တာတော့ ဟုတ်တယ်။ မနက်အစောပိုင်းက ဖြစ်သွားတာ တော်တော်စောတယ်။ ၃ နာရီကျော်လောက် ဖြစ်သွားတာ ထိခိုက်တာမျိုးတော့မရှိဘူးကြားတယ်”လို့ ဒေသခံတဦးက ပြောပါတယ်။ 

ဗုံးပေါက်ကွဲတဲ့ ပျူစောထီးအဖွဲ့ဝင်ရှိတဲ့ ရွာကို မနက်ပိုင်းမှာ စစ်ကောင်စီတပ်သားတွေ ရောက်လာပြီး ရွာသားတွေကို စစ်ဆေးခဲ့သလို မြို့ဝင်ထွက်လမ်းတွေကိုလည်း ပိတ်ဆို့စစ်ဆေးခဲ့ပါတယ်။ 

ကျုံပျော်မြို့မှာ ဖေဖော်ဝါရီ ၁၁ ရက် ညပိုင်းကလည်း မြို့နယ် EPC ရုံးကို ဗုံးခွဲတိုက်ခိုက်ခဲ့ပါတယ်။

9 mins Ago
Up