နယ်သာလန်နိုင်ငံမှာ ကိုဗစ်-၁၉ ကပ်ဘေးအလွန် King's Day လို့ခေါ်တဲ့ ဘုရင်မွေးနေ့ အထိမ်းအမှတ် နိုင်ငံတော်အားလပ်ရက်ကို ပျော်ပွဲရွှင်ပွဲတွေနဲ့ ကျင်းပနေပါတယ်။
၂၀၁၉ ခုနှစ်ကတည်းက ကိုဗစ်-၁၉ ရောဂါကြောင့် မဆင်နွှဲနိုင်ခဲ့ဘဲ ဒီနှစ်ကျမှ တေးဂီတွေ တီးမှုတ်၊ ရိုးရာဝတ်စုံတွေကို ဝတ်ဆင်ပြီး ပျော်ပျော်ရွှင်ရွှင် ကျင်းပနေကြတာပါ။
နယ်သာလန်ဘုရင် ဝီလျံ အလက်ဇန်းဒါးဟာ ဧပြီ ၂၇ ရက်မှာ အသက် ၅၅ နှစ် ပြည့်မြောက်ပြီး တောင်ပိုင်းမြို့ဖြစ်တဲ့ မာစတက်ချ်မြို့ကို မိသားစုနဲ့အတူ အလည်အပတ် ရောက်နေပါတယ်။ ကပ်ဘေးပြီးရင် မာစတက်ချ်မြို့ကို အလည်သွားမယ်လို့ ကတိပေးထားတဲ့အတိုင်း အခုလို သွားရောက်တာပါ။
အမ်စတာဒမ်မြို့မှာတော့ ဘုရင့်မွေးနေ့ အားလပ်ရပ်ဟာ နယူးရီးယားပွဲတော်၊ မြန်မာပြည်က သင်္ကြန်ပွဲတော်နဲ့ အလားသဏ္ဌာန် တူပါတယ်။
မြို့လယ်ခေါင်မှာ လူထောင်ပေါင်းများစွာဟာ ဧပြီ ၂၆ ရက် နှောင်းပိုင်းကတည်းက စုရုံးပြီး ပျော်ပျော်ရွှင်ရွှင် ပါဝင်ဆင်နွှဲနေကြပါတယ်။ မြို့ကြီး မြို့ငယ်တွေမှာ ဖရီးမားကက်လို့ ခေါ်တဲ့ ဈေးဆိုင်တွေ ဖွင့်ထားပြီး ပြည်သူတွေဟာ သူတို့အတွက် မလိုအပ်တော့တဲ့ ပစ္စည်းတွေကို အလကားနီးပါး ဈေးနှုန်းနဲ့ လိုအပ်တဲ့သူတွေ ဝယ်ယူနိုင်အောင် ရောင်းချနေကြပါတယ်။
ကချင်ပြည်နယ်၊ ဖားကန့်မြို့နယ်က ပြည်သူတွေအနေနဲ့ ကထိန်ပွဲမှာပျော်ပွဲရွှင်ပွဲတွေ မပြုလုပ်ကြဖို့ မေတ္တာရပ်ခံထားတဲ့စာတွေကို ဖားကန့်ဈေး၊ ကျောက်ဝိုင်းနဲ့ လူစည်ကားရာနေရာတွေမှာ နိုဝင်ဘာ ၁၁ ရက် ဒီနေ့မနက်က ဖြန့်ဝေခဲ့ကြပါတယ်။
ဖားကန့် ပင်မသပိတ်ကော်မတီက ဖြန့်ဝေခဲ့တာဖြစ်ပြီး ကုသိုလ်ရေးကို အားထားလုပ်ကြဖို့၊ PDF ရဲဘော်တွေကို ကိုယ်ချင်းစာတဲ့အနေနဲ့ ပွဲလမ်းသဘင်တွေ လှည့်လည်သွားလာတာ၊ တီးမှုတ်တာတွေ မလုပ်ကြဖို့ တိုက်တွန်းထားပါတယ်။
