ချဲလ်ဆီးအသင်းဟာ မိုနာကိုအသင်းကပြင်သစ်နောက်ခံလူ ဘတ်ဒီယာရှီလာကို ပေါင် ၃၅ သန်းနဲ့ အပြီးသတ်ခေါ်ယူခဲ့ပါတယ်။
အသက်၂၁ နှစ်ရှိ ဗဟိုနောက်ခံလူ ဘတ်ဒီယာရှီလာကို ချဲလ်ဆီးအသင်းက ၇ နှစ်ခွဲ စာချုပ် ချုပ်ဆိုခဲ့ပါတယ်။
ချဲလ်ဆီးအသင်းဆီပြောင်းရွှေ့ခွင့်ရလို့ ကျေနပ်ပျော်ရွှင်ရပြီး ကမ္ဘာ့အကောင်းဆုံးလိဂ်မှာ ချဲလ်ဆီးနဲ့အတူ ပွဲထွက်ကစားခွင့်ရဖို့ မစောင့်နိုင်တော့ကြောင်း ဘတ်ဒီယာရှိလာက စာချုပ် ချုပ်ဆိုအပြီးမှာပြောပါတယ်။
သူဟာ ၂၀၁၈ ခုနှစ်က မိုနာကိုမှာ စတင်ပွဲထွက်ခွင့်ရခဲ့ပြီး စုစုပေါင်း ၁၃၅ ပွဲကစားခဲ့ပါတယ်။ အဲဒီနောက် ပြင်သစ်အသင်းကရွေးချယ်ခဲ့ပြီးနေးရှင်းလိဂ်ပွဲစဉ်တွေမှာ ၂ ပွဲကစားခဲ့ ပါသေးတယ်။ ခံစစ်သုံးယောက်တန်းရဲ့ ဘယ်ခြမ်းအတွက် ခေါ်ယူခဲ့တာဖြစ်ပြီး နည်းပြပေါ်တာနဲ့ ချဲလ်ဆီးအသင်းအတွက် ရွေးချယ်စရာပိုများသွားတာဖြစ်ပါတယ်။
