ဘာကီနာဖာဆိုနိုင်ငံရဲ့ မြို့တော်ဝါဂါဒူဂူမှာ နိုင်ငံရေးအာဏာသိမ်းမှုကစတဲ့ အကြမ်းဖက်မှုအတွင်း ဆန္ဒပြသူတွေဟာ ပြင်သစ်သံရုံးရဲ့ အပြင်ဘက်နံရံတွေကို အောက်တိုဘာ ၁ ရက်မှာ မီးရှို့ခဲ့ ပါတယ်။

ဆိုရှယ်မီဒီယာမှာ တင်ထားတဲ့ ဗွီဒီယိုတွေမှာ ဝါဂါဒူဂူမြို့တော်က ဆန္ဒပြသူတွေဟာ သံရုံးနံရံ တွေပေါ်ကို ပစ္စည်းတွေ ပစ်ပေါက်တာကို မြင်တွေ့ရပြီး အဆောက်အအုံ တဝိုက်မှာ မီးတောက်ငယ်တွေ အများအပြား လောင်ကျွမ်းနေပါတယ်။

ပြင်သစ်နိုင်ငံခြားရေးဝန်ကြီးဌာနက သူ့သံရုံးအား အကြမ်းဖက်မှုကို ရှုတ်ချတယ်လို့ ပြောခဲ့ပါတယ်။

သမ္မတ ပေါလ်-ဟင်နရီ ဒမီဘာကိုက သမ္မတ ပေါလ်ဟင်နရီ ဒမီဘာကို ရာထူးက ဖြုတ်ချပြီးနောက် တန်ပြန်ထိုးစစ်ဆင်မှုအဖြစ် သမ္မတ ပေါလ်-ဟင်နရီ ဒမီဘာ ကို ထောက်ခံသူတွေက သံရုံးအပြင် ဘက်မှာ ဆန္ဒပြခဲ့ကြပါတယ်။

ပြင်သစ်နိုင်ငံခြားရေးဝန်ကြီးဌာနက ဇန်နဝါရီ ၂၄ ရက်မှာ အာဏာသိမ်းခဲ့တဲ့ ဒမီဘာကို သူတို့ရဲ့  အခြေစိုက်စခန်းက ဘယ်တုန်းကမှ လက်မခံထားဘူးလို့ ကြေညာချက်ထုတ်ပြန်ခဲ့ပါတယ်။

ဒမီဘာကလည်း သူ အခြေစိုက်စခန်းမှာ ရှိမနေဘူးလို့ ငြင်းဆိုခဲ့ပြီး အစီရင်ခံစာတွေဟာ အများသူငှာ ထင်မြင်ယူဆချက်ကို တမင်ခြယ်လှယ်ဖို့ ရည်ရွယ်ထားတာလို့ ပြောခဲ့ပါတယ်။

နိုင်ငံရေးအရ ထိပ်တိုက်ရင်ဆိုင်မှုတွေဟာ စစ်တပ်အတွင်း နက်နဲတဲ့ သဘောထားကွဲလွဲမှုကို အချက်ပြနေပြီး ဘာကီနာဖာဆိုအတွက် စိုးရိမ်စရာ စာမျက်နှာသစ် တရပ်လည်း ဖြစ်လာပါတယ်။

နိုင်ငံအတွင်း အစ္စလမ္မစ် သောင်းကျန်းသူတွေကြောင့် အာဏာပိုင်တွေအပေါ် အယုံအကြည် ပျက်ပြားလာနေပြီး လူပေါင်း ၂ သန်းနီးပါး အိုးမဲ့အိမ်မဲ့ ဖြစ်ခဲ့ရပါတယ်။

ရန်ကုန်ရှိ ပြင်သစ်သံရုံးရဲ့  ကောင်စစ်ဌာနမှာ ဗီဇာလျှောက်ထားသူတွေ မကြုံစဖူး များပြားလာတာ ကြုံတွေ့နေရတဲ့အတွက် မိမိသွားရောက်လိုတဲ့ရက်ထက် တတ်နိုင်သလောက် အမြန်ဆုံး ဗီဇာလျှောက်ထားကြဖို့  မြန်မာနိုင်ငံဆိုင်ရာ ပြင်သစ်သံရုံးက အသိပေးကြေညာထားပါတယ်။ 

ကာလတိုနဲ့ ကာလရှည် နေထိုင်ခွင့် ဗီဇာလျှောက်ထားရာမှာ ရက်ချိန်းဆိုမှုတွေနဲ့ ဗီဇာထုတ်ပေး နိုင်မှုတွေအတွက်  သတ်မှတ်ရက်တွေထက် အချိန်ပိုမို လိုအပ်နေတာကြောင့် ပြင်သစ်မှာ နေထိုင်မယ့် နေ့ရက်ကာလတွေကို ကြိုတင်တွက်ချက်ပြီး ဗီဇာလျှောက်လွှာကို တတ်နိုင်သလောက် ဆောလျင်စွာ အမြန်ဆုံး လျှောက်ထားကြဖို့ ပြင်သစ်သံရုံးက တိုက်တွန်းထားတာပါ။

ဒါ့အပြင် ဗီဇာလျှောက်ထားသူတချို့ဟာ  သူတို့ရဲ့ ရက်ချိန်းတွေကို ပယ်ဖျက်တာ ဒါမှမဟုတ်  နေ့ရက်ရွှေ့ဆိုင်းတာတွေ  ပြုလုပ်တာကြောင့်  ရက်ချိန်းပြက္ခဒိန်ဇယားမှာ ရက်ချိန်းအသစ်တွေ တောင်းဆိုဖို့ ဖြစ်နိုင်ဖွယ်ရှိ/မရှိကိုသိရှိနိုင်ဖို့ ရက်ချိန်းပြက္ခဒိန်ဇယားကို မကြာခဏ/ပုံမှန် ကြည့်ရှု စစ်ဆေးကြဖို့လည်း အကြံပြုထားပါတယ်။

ရန်ကုန်ရှိ ပြင်သစ်သံရုံးရဲ့  ကောင်စစ်ဌာနမှာ ဗီဇာလျှောက်ထားသူတွေ မကြုံစဖူး များပြားလာတယ်လို့ သံရုံးက ပြောပေမယ့် တရက်ကို ဗီဇာလာလျှောက်သူ အရေအတွက် ဘယ်လောက်ရှိတယ်ဆိုတာကိုတော့ မသိရသေးပါဘူး။

မြန်မာနိုင်ငံမှာ နိုင်ငံတော်အာဏာကို စစ်တပ်က တရားမဝင်သိမ်းပိုက်၊ ပြည်သူတွေကို ဖမ်းဆီး သတ်ဖြတ် ဖိနှိပ်မှုတွေပြုလုပ်နေပြီး တိုင်းပြည်ဟာ စီးပွားရေး၊ လူမှုရေး၊ ပညာရေး ဘက်ပေါင်းစုံက ယိုယွင်းပျက်စီး ချွတ်ခြုံကျနေတာကြောင့် မြန်မာပြည်သူတွေဟာ အိမ်နီးချင်း နိုင်ငံတွေကိုသာမက တခြားပြည်ပနိုင်ငံတွေကိုပါ နည်းလမ်းပေါင်းစုံနဲ့ ထွက်ခွာနေကြတာဖြစ်ပါတယ်။