ပြင်သစ်နိုင်ငံ အနောက်တောင်ပိုင်းမှာတောမီးလောင်မှုကြောင့် အာဏာပိုင်တွေဟာ စက်တင်ဘာ ၁၄ ရက်က လူပေါင်း ၅၀၀ လောက်ကို ဘေးလွတ်ရာ ရွှေ့ပြောင်းပေးခဲ့ရပါတယ်။
မီးသတ်သမားအင်အား အယောက် ၁၀၀၀ နဲ့ မီးသတ်လေယာဉ် ၁၁ စင်းတို့ဟာ ဝိုင်စိုက်ပျိုးရာ မဲဒေါ့ဧရိယာမှာ ဟက်တာ ၃၆၀၀ ကျော်ကို လောင်ကျွမ်းခဲ့တဲ့အပြင် နေအိမ် ၄ လုံးနဲ့ အဆောက်အအုံပေါင်းများစွာကို ဖျက်ဆီးခဲ့တဲ့ မီးကိုငြှိမ်းသတ်နေရပါတယ်။
ရာသီဥတုကလည်း အဆင်မပြေကြောင်းနဲ့ လေ၊ အပူနဲ့ မိုးခေါင်မှုတို့ကြောင့် ဆက်တိုက် မီးလောင် ကျွမ်းနေဆဲဖြစ်ပြီး မီးသတ်သမား ၇ ဦး အနည်းငယ် ဒဏ်ရာ ရရှိခဲ့ကြောင်းလည်း သိရပါတယ်။
အခုနွေရာသီမှာ တောမီးလောင်ကျွမ်းမှုကြီးတွေကြောင့် စုစုပေါင်း လူပေါင်း ၁၀၀၀ ကျော်လောက်ကို ရွှေ့ပြောင်းပေးခဲ့ရပါတယ်။
ပြင်သစ်ဟာ တခြားဥရောပနိုင်ငံတွေလိုပဲ နွေရာသီမှာ အပူလှိုင်းဖြတ်တာနဲ့ မိုးခေါင်ခြင်းတို့ကို ကိုင်တွယ်ဖြေရှင်းခဲ့ရပါတယ်။
ဒီနှစ် ပြင်သစ်မှာ အခုချိန်အထိ ဟက်တာ ၆၅၀၀၀ နီးပါး မီးလောင်ခံထားရပြီး ထက်ဝက် လောက်က ပြင်သစ်နိုင်ငံ အနောက်တောင်ပိုင်းက ဖြစ်ကြောင်း ဥရောပ သစ်တောမီးလောင်ကျွမ်းမှု အချက်အလက်စနစ်မှ အချက်အလက်တွေအရ သိရပါတယ်။
