ပြည်တွင်းအခွန်များဦးစီဌာန

February 16, 2022

တော်လှန်ရေးကာလ တာဝန်သိပြည်သူများ အခွန်ထမ်းဆောင်နိုင်ပြီဖြစ်ကြောင်း NUG ထုတ်ပြန်

နွေဦးတော်လှန်ရေးကာလ တာဝန်သိပြည်သူတွေအနေနဲ့ အခွန်ထမ်းဆောင်နိုင်ပြီဖြစ်ကြောင်း အမျိုးသားညီညွတ်ရေးအစိုးရ (NUG)၊ ပြည်တွင်းအခွန်များ ဦးစီးဌာနက ထုတ်ပြန်လိုက်ပါတယ်။

အခွန်ထမ်းပြည်သူတွေ အခွန်ထမ်းဆောင်နိုင်ဖို့ ပုံစံ(က) လျှောက်လွှာတွေ ဖေဖော်ဝါရီ ၁၅ ရက်က စတင်ကာ ပြန်လည်ရယူနိုင်ပြီး နိုင်ငံကြီးသားပီသစွာ အခွန်ထမ်းဆောင်နိုင်ကြပြီလို့ ဆိုပါတယ်။

ဒါ့အပြင် တော်လှန်ရေးကာလ တာဝန်ကျေပွန်တဲ့ အခွန်ထမ်းပြည်သူတွေကိုလည်း ပြည်တွင်းအခွန်များဦးစီးဌာနက အထူးပင်ကျေးဇူးတင်ကြောင်းလည်း ဖော်ပြထားပါတယ်။

မြန်မာနိုင်ငံမှာ အကြမ်းဖက်စစ်အုပ်စုက မတရားအာဏာသိမ်းယူခဲ့တဲ့အပေါ် ပြည်သူတရပ်လုံးက လက်မခံဘဲ ခုခံတော်လှန်ခဲ့ကြတဲ့ နွေဦးတော်လှန်ရေးကာလဟာ တနှစ်ကျော် ကြာမြင့်လာခဲ့ပြီ ဖြစ်ပါတယ်။

ဒီကာလတွေအတွင်း နိုင်ငံရေးမတည်ငြိမ်မှုတွေနဲ့အတူ စစ်အုပ်စုဆီ လျှပ်စစ် မီတာခွန်၊ ရေခွန်၊ မြေခွန်၊ လုပ်ငန်းခွန်စတဲ့ အခွန်မဆောင်ရေးလှုပ်ရှားမှုတွေ၊ သွေးစွန်းငွေ ကြေးစီးဆင်းမှု ဖြတ်တောက်ရေးလှုပ်ရှားမှုတွေကိုပါ အရှိန်အဟုန်နဲ့ ဆက်လက်လုပ် ဆောင်နေကြတာပါ။

11 mins Ago

May 24, 2020

2.5K

အွန်လိုင်းမှ အခွန်ပေးနိုင်သည့် ဘဏ်ထပ်တိုး၊ နောက်ပိုင်းတွင် အွန်လိုင်းမှသာ လက်ခံမည်

အခွန်တွေကို ပုဂ္ဂလိကဘဏ်တွေရဲ့ အွန်လိုင်းစနစ်တွေကနေ ပေးချေနိုင်ဖို့ ဘဏ်တခု ထပ်တိုးလာပြီး နောက်ထပ်ဘဏ်တွေ ထပ်တိုးလာပြီးရင် အွန်လိုင်းကပဲ လက်ခံတော့မယ်လို့ ပြည်တွင်းအခွန်များဦးစီးဌာန ညွှန်ကြားရေးမှူးချုပ်က ပြောပါတယ်။ ပြည်တွင်းအခွန်များဦးစီးဌာနကို ပေးဆောင်ရတဲ့ ဝင်ငွေခွန်၊ ကုန်သွယ်လုပ်ငန်းခွန်၊ အထူးကုန်စည်ခွန်တွေနဲ့ တံဆိပ်ခေါင်းခွန်တွေကို MPU ကတ်နဲ့ CB Pay & Internet Banking အွန်လိုင်းငွေချေစနစ်ကနေ ပေးနိုင်ရာကနေ မနက်ဖြန်ကစပြီး ဧရာဝတီဘဏ်ရဲ့ Internet Banking နဲ့ AYA Pay ကနေလည်း ပေးချေနိုင်တော့မှာ ဖြစ်ပါတယ်။ MPU ကတ်နဲ့ ပေးချေမယ်ဆိုရင်တော့ ပြည်တွင်းအခွန်များဦးစီဌာနရဲ့ ဝက်ဘ်ဆိုဒ် www.ird.gov.mm ရဲ့ Start Your Tax Online Payment ကနေ ပေးချေရတာဖြစ်ပါတယ်။ ဘဏ်တွေရဲ့ အွန်လိုင်းငွေချေစနစ်မှာတော့ အက်ပလီကေးရှင်းမှာပါတဲ့ သက်ဆိုင်ရာ အခွန်ကို ရွေးချယ်ပြီး အခွန်ထမ်းမှတ်ပုံတင်အမှတ် (TIN) ကို ထည့်သွင်းလို့ ငွေချေနိုင်တာ ဖြစ်ပါတယ်။ ပြည်တွင်းအခွန်များဦးစီးဌာန ညွှန်ကြားရေးမှူးချုပ် ဦးမင်းထွဋ်က “အခုတော့ တခြားဘဏ်တွေလည်း လုပ်နေကြပါပြီ။ နောက်တလလောက်ဆိုရင်တော့ ဘဏ် ၂ ခု၊ ၃ ခုလောက် တိုးလာနိုင်ပါတယ်။ တကယ်လို့ ဘဏ်တွေများလာတဲ့အချိန်ကျရင်တော့ အချိန်ကာလတခု သတ်မှတ်ပြီး အခွန်တွေကို အွန်လိုင်းကပဲ လက်ခံတော့မယ့်အကြောင်း ကြေညာပါမယ်” လို့ ပြောပါတယ်။ ဒီလိုအခွန်ဆောင်သူတွေအတွက် မေ ၂၅ ရက်ကနေ ဇွန်လကုန်အထိ ဝန်ဆောင်ခလုံးဝ မကောက်ဘူးလို့လည်း ဧရာဝတီဘဏ်က ကြေညာထားပါတယ်။ အွန်လိုင်းဘဏ်စနစ်ကနေ ငွေချေရင် အဲဒီဘဏ်တွေမှာ ဖွင့်ထားတဲ့ ပြည်တွင်းအခွန်များ ဦးစီးဌာနရဲ့ ငွေစာရင်း၊ အဲဒီကတဆင့် ဗဟိုဘဏ်၊ အဲဒီကတဆင့် မြန်မာ့စီးပွားရေးဘဏ်၊ ဘဏ်ခွဲတွေမှာရှိတဲ့ သက်ဆိုင်ရာ အခွန်ရုံးတွေရဲ့ ငွေစာရင်းထဲကို အချိန်နဲ့ တပြေးညီ စာရင်းတွေရောက်သွားမှာ ဖြစ်ပါတယ်။ ဒီလို အခွန်ပေးသွင်းရာမှာ ပေးသွင်းမှုအထောက်အထားတွေအဖြစ် ဧရာဝတီဘဏ်လီမိတက် (AYA Bank) အနေနဲ့ အခွန်ထမ်းကို ဘဏ်ငွေလက်ခံဖြတ်ပိုင်း ကနဦး ထုတ်ပေးမှာဖြစ်ပြီး ပြည်တွင်းအခွန်းများဦးစီးဌာနဆီကို လွှဲပြောင်းရရှိပြီးရင်တော့ အထောက်အထားတွေကို အီးမေးလ်ကတဆင့် ပေးပို့မယ်လို့ ကြေညာထားပါတယ်။ အခွန်ထမ်းသူတွေအနေနဲ့လည်း ဘဏ်တွေကို သွားရောက်ပြီး ငွေသား၊ ချက်လက်မှတ်တွေနဲ့ ပေးချေနေမယ့်အစား အီလက်ထရောနစ်စနစ်ကို သုံးပြီး ပေးချေကြဖို့လည်း ပြည်တွင်းအခွန်များဦးစီးဌာနက တိုက်တွန်းထားပါတယ်။ ဒါနဲ့ပတ်သက်ပြီး အသေးစိတ် သိချင်ရင်တော့ ပြည်တွင်းအခွန်များဦးစီဌာနရဲ့ဝက်ဘ်ဆိုဒ် www.ird.gov.mm မှာ ဝင်ကြည့်နိုင်သလို သက်ဆိုင်ရာအခွန်ရုံးတွေ၊ သတင်းအချက်အလက်နဲ့ နည်းပညာဌာနခွဲ (e-Payment Section၊ ရန်ကုန်)၊ အမှတ် ၅၆၉/၅၇၇၊ ကုန်သည်လမ်းနဲ့ မဟာဗန္ဓုလပန်းခြံလမ်းထောင့်၊ ကျောက်တံတားမြို့နယ်၊ ဖုန်းနံပါတ်-၀၁-၈၃၇၉၀၂၁ ကို ဆက်သွယ်မေးမြန်းနိုင်ပါတယ်။

2 years Ago