စင်ကာပူဒေသခံတွေဟာ ပိတ်လှောင်မှုတွေ လွတ်မြောက်ဖို့ ပထမဆုံး အပျော်စီးသင်္ဘောနဲ့ နိုဝင်ဘာ ၆ ရက်က ခရီးသွားကြပါတယ်။
ဒါပေမဲ့ ဒီအပျော်စီးသင်္ဘောခရီးက ကိုယ်တက်ခဲ့တဲ့ ဆိပ်ကမ်းကို ပြန်ဆိုက်တာကလွဲလို့ တခြားဘယ်ကိုမှ မရောက်ပါဘူး။
နှစ်ညအိပ် သုံးရက်ခရီးနဲ့ "World Dream" အပျော်စီးသင်္ဘောကြီးပေါ် မတက်ခင် ခရီးသည်တွေဟာ ကိုရိုနာဗိုင်းရပ်စ် ရှိ၊မရှိ တို့ဖတ်ယူရပါတယ်။
ဒါတင်မက သင်္ဘောပေါ်မှာလည်း လူ ၁၄၀၀ အတွက် ဘေးကင်းရေး အစီအမံတွေ လုပ်ထားပါတယ်။
သင်္ဘောကလည်း တင်ဆောင်နိုင်တဲ့ ခရီးသည် အရေအတွက်ရဲ့ တဝက်နဲ့ ပြေးဆွဲတာပါ။
အဲဒီထဲမှာ တဦးနဲ့တဦး ခပ်ခွာခွာနေတာ၊ ကိုယ်တိုင်ယူ ဘူဖေးတန်းစီစနစ် မလုပ်တာနဲ့ ထိတွေ့သူ ခြေရာခံကိရိယာကို ခရီးသည်တွေက အချိန်ပြည့် ကိုယ်နဲ့မကွာ ဆောင်ထားရပါတယ်။
ဒီနှစ်အစောပိုင်းက အပျော်စီးသင်္ဘောတချို့ဟာ ကိုရိုနာဗိုင်းရပ်စ် ကူးစက်ရာ ဗဟိုချက်မ ဖြစ်လာခဲ့ပြီး တချို့သင်္ဘောတွေကို ဆိပ်ကမ်းတွေက ကမ်းကပ်ခွ့င်မပြုခဲ့ပါဘူး။
စင်ကာပူမှာလည်း အပျော်စီးသင်္ဘောပြေးဆွဲတာကို မတ်လကစလို့ ခေတ္တဆိုင်းငံ့ခဲ့ပြီး ကိုရိုနာဗိုင်းရပ်စ် ကာကွယ်ရေး အစီအမံတွေနဲ့ မူရင်း ဆိပ်ကမ်းပြန်ဆိုက်တဲ့ခရီးစဉ်ကို ပြန်စတင်တာ ဖြစ်ပါတယ်။
7 months Ago
