close

ဖီးလ်ဖိုဒန်

close

February 20, 2022

မန်စီးတီးတွင် ကျောနံပါတ် ၁၀ ဝတ်ရန် ငြင်းဆန်ခဲ့သည့်အကြောင်းကို ဖိုဒန် ရှင်းလင်း

မန်စီးတီးအသင်းမှာ ကျောနံပါတ် ၁၀ ဂျာစီဝတ်ဆင်ဖို့ အခွင့်အရေးရှိခဲ့ပေမယ့် ငြင်းပယ်ခဲ့တဲ့ အကြောင်းအရင်းကို ဖီးလ်ဖိုဒန်က ရှင်းလင်းသွားပါတယ်။ 

ဖီးလ်ဖိုဒန်ဟာ မန်စီးတီး အကယ်ဒမီကနေထွက်ပေါ်လာတဲ့ ကစားသမားတစ်ဦးဖြစ်ပြီး ကျောနံပါတ် ၄၇ ဂျာစီကို ဝတ်ဆင်ကစားနေသူပါ။ 

တိုက်စစ်မှူး အဂွဲရိုးဟာ ဘာစီလိုနာကို ပြောင်းရွှေ့ချိန်မှာ သူ့ရဲ့ကျောနံပါတ် ၁ဝ အား ဖိုဒန်ကိုပေးဖို့ ဆုံးဖြတ်ခဲ့ပေမယ့် ဖိုဒန်က ငြင်းဆန်ခဲ့ပါတယ်။ 

အဲဒီလိုငြင်းဆန်ခဲ့တာက ကျောနံပါတ်တစ်ခုကို ကိုယ်တိုင်ဖန်တီးချင်တာကြောင့် ဖြစ်တယ်လို့ ပြောသွားပါတယ်။

“ကျောနံပါတ် ၁ဝ က အသင်းမှာ အစဉ်အလာကြီးမားတဲ့ နံပါတ်တစ်ခုဖြစ်တယ်။ ကျနော့်မှာတော့  နံပါတ် ၄၇ ရှိပြီးသားပါ။ ကိုယ့်ရဲ့ခမ်းနားထည်ဝါမှုကို ကိုယ်တိုင်ဖန်တီးချင်တာကြောင့် လက်ရှိနံပါတ် ၄၇ ကိုပဲ ဆက်လက်ဝတ်ဆင်ဖို့ ဆုံးဖြတ်ခဲ့တာပါ” လို့ ဖီးလ်ဖိုဒန်က ပြောပါတယ်။ 

ဖိုဒန်ဟာ အဂွဲရိုးဆီက ကျောနံပါတ် ၁ဝ ကို ဝတ်ဆင်ဖို့ ငြင်းဆန်ခဲ့ပြီးနောက်မှာ ကစားသမားသစ် ဂျက်ဂရီးလစ်ရှ်ကို မန်စီးတီးက ဝတ်ဆင်ခွင့်ပေးခဲ့ပါတယ်။ 

တိုက်စစ်မှူးဟောင်း အဂွဲရိုးကတော့ ဒီဘရိုင်းက ကျောနံပါတ် ၁၇ နဲ့ အသားကျနေပြီဖြစ်လို့ သူ့ရဲ့ကျောနံပါတ်ဟောင်းအား ဖိုဒန်ကို ပေးသင့်တယ်လို့ တိုက်တွန်းခဲ့ဖူးပါတယ်။

11 mins Ago

July 9, 2020

မန်စီးတီးနှင့် အင်္ဂလန်၏ အနာဂတ်ကစားသမားဟု ဖီးလ်ဖိုဒန်ကို ဖာဒီနန်ချီးကျူး

မန်စီးတီး လူငယ်ကစားသမား ဖီးလ်ဖိုဒန်ဟာ အင်္ဂလန်နဲ့ ကလပ်အသင်းအတွက် အရေးပါတဲ့ ကစားသမားဖြစ်လာလိမ့်မယ်လို့ ကစားသမားဟောင်း ဖာဒီနန်က ချီးကျူးလိုက်ပါတယ်။  အသက် ၂၀ ပဲ ရှိသေးတဲ့ မန်စီးတီးကွင်းလယ်ကစားသမား ဖိုဒန်ဟာ နယူးကာဆယ်ကို အနိုင်ရတဲ့ပွဲစဉ်မှာ ပွဲထွက်ကစားခဲ့ပြီး အဲဒီပွဲစဉ်ကို ဖာဒီနန်နဲ့ ဂျာမိန်း ဂျီးနပ်တို့က BT Sports ရုပ်သံကနေ သုံးသပ်တင်ဆက်ခဲ့ကြတာပါ။  ဖိုဒန်ဟာ နောက်ဆုံး ၁၇ ပွဲမှာ ၁၃ ဂိုးအထိ ပါဝင်ပတ်သက်ခဲ့ပြီး ခြေစွမ်းပြသနေတာပါ။ ဖိုဒန် မှာ ထူးခြားတဲ့ ပင်ကိုယ်ခြေစွမ်းရှိပြီး ဒီလိုကစားသမားမျိုးပေါ်ထွက်လာဖို့အတွက် အချိန်များစွာ စောင့်ဆိုင်းခဲ့ရတယ်လို့ ဖာဒီနန်ကချီးကျူးပါတယ်။  ဖီးလ်ဖိုဒန်ကို သော့ပြင်ဆရာလို့လည်း ဖာဒီနန်က နာမည် ပြောင်ပေးခဲ့ပြီး အင်္ဂလန်အသင်းရဲ့ ကစားကွက်ကို လမ်းဖွင့်ပေးမယ့်သူဖြစ်တယ်လို့ ချီးကျူးခဲ့ပါတယ်။ စပါးကစားသမားဟောင်း ဂျီးနပ်ကလည်း ထောက်ခံခဲ့ပြီး ဖိုဒန်ရဲ့ခြေစွမ်းကို ကြည့်ရတာ စိတ်လှုပ်ရှားစရာ ကောင်းပြီး အင်္ဂလန်အသင်းမှာ လိုအပ်နေတဲ့ ကစားသမားမျိုးဖြစ်တယ်လို့ သုံးသပ်ခဲ့ပါတယ်။ 
2 years Ago
Up