ဧရာဝတီတိုင်း၊ မော်လမြိုင်ကျွန်းမြို့နယ်၊ ဖျာလိပ်ကျေးရွာမှာ မေလ ၂၄ ရက်နေ့က မနက်ပိုင်းက ကျေးရွာ အခြေခံပညာအလယ်တန်းကျောင်းရှေ့မှာ စစ်ကျွန်ပညာရေးအလိုမရှိ ဆိုတဲ့ စာသားတွေရေးသားပြီး ကျေးရွာသားတွေက ဆန္ဒထုတ်ဖော်ခဲ့ကြပါတယ်။
ဖျာလိပ်ကျေးရွာ အခြေခံပညာအလယ်တန်းကျောင်းမှာ မေ ၂၄ ရက်နေ့က ကျောင်းအပ် လက်ခံတဲ့နေ့ဖြစ်ပေမယ့် လာရောက်အပ်နှံသူမရှိသလို ကျောင်းအပ်လက်ခံဖို့ စောင့်ဆိုင်းနေတဲ့ ဆရာ၊ ဆရာမတွေကိုလည်း မတွေ့ရဘူးလို့ ဒေသခံတွေက ပြောပါတယ်။
