close

ဗင်းနစ်ရုပ်ရှင်ပွဲ

close

September 10, 2022

ဗင်းနစ်ရုပ်ရှင်ပွဲတော်တွင် အကျဉ်းကျ အီရန်ရုပ်ရှင်ဒါရိုက်တာ၏ "No Bears" ကား ပြသ

ကမ္ဘာတဝန်းရှိ အကျဉ်းကျနေတဲ့ ရုပ်ရှင်ရိုက်ကူးသူတွေနဲ့အတူ တစည်းတလုံးတည်း ရှိနေကြောင်း အီတလီနိုင်ငံ ဗင်းနစ်မြို့က ရုပ်ရှင်ပွဲတော်မှာ စက်တင်ဘာ ၉ ရက်က ပွဲမစခင်  ဒါရိုက်တာတွေ၊ သရုပ်ဆောင်တွေနဲ့ လုပ်ငန်းနယ်ပယ်မှ ပုဂ္ဂိုလ်တွေဟာ ဖမ်းဆီးခံထားရသူတချို့ ရဲ့ဓာတ်ပုံတွေကို ကိုင်ဆောင် ပြသခဲ့ကြပါတယ်။ 

ရုပ်ရှင်ပွဲတော်မှာတော့ သူ့နိုင်ငံမှာ ထောင်ကျခံနေရတဲ့ အီရန် ရုပ်ရှင်ဒါရိုက်တာ Jafar Panahi ရဲ့ နောက်ဆုံးထွက်ရုပ်ရှင် "No Bears" ကို ပွဲဦးထွက်ပြသနေတာပါ။  

"The Circle", "White Balloon" နဲ့ "Taxi" အပါအဝင် ဆုရရုပ်ရှင်များစွာကို ရိုက်ကူးခဲ့တဲ့ ဒါရိုက်တာ Panahi ဟာ ဇူလိုင်လတုန်းက တီဟီရန်မှာ ဖမ်းဆီးခံခဲ့ရကာ “အစ္စလာမ်သမ္မတနိုင်ငံကို ဆန့်ကျင်တဲ့ ဝါဒဖြန့်မှု” နဲ့ အပြစ်ရှိတယ်ဆိုပြီး ထောင်ဒဏ် ခြောက်နှစ် ချမှတ်ခံထားရပါတယ်။ 

သူဟာ အီရန်မှာ သဘောထားကွဲလွဲမှုတွေကို အသစ်တဖန် ဖြိုခွင်းမှုအတွင်း သီတင်းတပတ်မပြည့်ခင် တီဟီရန်မှာ ထိန်းသိမ်းခံထားရတဲ့ ရုပ်ရှင်ထုတ်လုပ်သူသုံးဦးထဲက တဦး ဖြစ်ပါတယ်။ 

Panahi ဟာ သူ့ရဲ့အကျဉ်းခန်းကနေ  စာတစောင်ကို ပေးပို့ခဲ့ပြီး အဲဒီစာကို ပွဲတော်ဒါရိုက်တာ Alberto Barbara က အန္တရာယ်ကြုံရတဲ့ ရုပ်ရှင်ထုတ်လုပ်သူတွေနဲ့ပတ်သက်တဲ့ ပညာရှင်အဖွဲ့မှာ ဒီတပတ် ဖတ်ကြားပြခဲ့ပါတယ်။ 

“ကျနော်တို့ဖန်တီးထားတဲ့ အနုပညာဟာ ကျနော်တို့ကို ရာဇဝတ်သားလို မြင်နေတဲ့ အစိုးရက ပေးအပ်ထားတဲ့ တာဝန် မဟုတ်ဘူး” လို့ စာထဲမှာ ရေးသားထားပြီး အကျဉ်းကျနေတဲ့ အီရန်ဒါရိုက်တာ Mohamad Rasoulof ကလည်း ပူးတွဲလက်မှတ်ရေးထိုးခဲ့ပါတယ်။ 

“တချို့ဒါရိုက်တာတွေကို ရုပ်ရှင်ရိုက်ခွင့် ပိတ်ပင်ထားပြီး တချို့ကိုတော့ ပြည်နှင်ဒဏ်ပေးတာ၊ သီးခြားခွဲပြီး အထီးကျန်အောင် ထားတာတွေ လုပ်ပေမယ့် အဲဒါတောင် ပြန်ဖန်တီးနိုင်ဖို့ မျှော်လင့်ချက်က အသက်ဆက်ရှင်နေရတဲ့ အကြောင်းရင်းပါ” လို့လည်း ရေးသားထားပါတယ်။

2 mins Ago

September 3, 2020

၇၇ ကြိမ်မြောက် ဗင်းနစ်ရုပ်ရှင်ပွဲ ကျင်းပ

၇၇ ကြိမ်မြောက် ဗင်းနစ်ရုပ်ရှင်ပွဲတော်ကို  စက်တင်ဘာ ၂ ရက်ညက   ဖွင့်လှစ်ခဲ့ပြီး     နိုင်ငံတကာရုပ်ရှင် အကျော်အမော်တွေက နှာခေါင်းစည်းတွေ  တပ်ကာ  ကော်ဇောနီထက် လမ်း လျှောက်ခဲ့ပါတယ်။     ဒီနှစ်ရုပ်ရှင်ပွဲတော်မှာ ဟောလိဝုဒ်က တက်ရောက်သူ နည်းနည်းနဲ့ ပရိသတ်တွေ မရှိပေမယ့်  ရုပ်ရှင် အကျော်အမော်တွေဟာ ပွဲဦးထွက် ရုပ်ရှင် “လက်စီ”ကို ကြည့်ဖို့  ပါလာဇိုဒီစီနီမာ ရုပ်ရှင်ရုံကို  တဖွဲဖွဲ လာရောက်ကြပါတယ်။   ဗင်းနစ်ရုပ်ရှင်ပွဲတော် တက်ရောက်သူတွေထဲမှာ ဂျူရီအဖွဲ့ဥက္ကဋ္ဌ ကိတ်ဘလန့်ချက်နဲ့  အသစ်ခန့်အပ်လိုက်တဲ့ ဂျူရီအဖွဲ့ဝင် မက်ဒီလွန်တို့လည်း ပါဝင်ပါတယ်။   ဗြိတိန်မင်းသမီး တယ်ဒါ ဆွင်တန်ကလည်း သူ ရုပ်ရှင်တစ်သက်တာ ထူးချွန်ဆုရတဲ့ ဒီပွဲ အတွက် ကော်ဇောနီထက် တက်လှမ်းလာခဲ့ပါတယ်။    အမေရိကန်နိုင်ငံက တက်ရောက်တဲ့ ရုပ်ရှင် အကျော်အမော်အနည်းငယ်ထဲမှာ ဒီလွန်နဲ့ မော်ဒယ် တေလာဟေးတို့  ပါဝင်ပါတယ်။  ဧည့်သည်တွေကို ကင်မရာရှေ့မှာ နှာခေါင်းစည်းမတပ်ဘဲ ဓာတ်ပုံအရိုက်ခံခွင့်ပြုပေမယ့်   ကော်ဇောနီ လျှောက်လမ်းနဲ့ ရုပ်ရှင်ရုံအတွင်း ဝင်ရာမှာတော့ သူတို့ဟာ နှာခေါင်းစည်းတပ်ရ ပါတယ်။    တချို့ဧည်သည်တွေဆိုရင် သူတို့ဝတ်စုံမှာပဲ တကိုယ်ရေ ကာကွယ်ရေးပစ္စည်းတွေကို  ပေါင်းစည်း ချုပ်လုပ်ထားတာကို တွေ့ရပါတယ်။  ဒီနှစ်ရုပ်ရှင်ပွဲတော်ပြိုင်ပွဲအတွက် “လက်စီ” ရုပ်ရှင်ကို ပွဲဦးထွက် ပြသမှာဖြစ်ပြီး ရွှေခြင်္သေ့ ဆုအတွက် နိုင်ငံတကာ ရုပ်ရှင်  ၁၈ ကား  ပါဝင်ယှဉ်ပြိုင်မယ်လို့ ရိုက်တာသတင်းအရ သိရပါတယ်။ 
2 years Ago
Up