ရှမ်းပြည်မြောက်ပိုင်း၊ လားရှိုးမြို့အဝင် မုဒ်ဦးအနီး၊ ရန်တိုင်အောင်ဗဟိုမဏ္ဍပ်ရဲ့ မလှမ်းမကမ်းရှိ ယာဉ်ရပ်နားရာနေရာမှာ ဧပြီ ၁၃ ရက် ဒီကနေ့ နေလယ်ပိုင်း သင်္ကြန်အကြိုနေ့မှာ ဗုံးပေါက်ကွဲပြီး အနည်းဆုံး လူ ၄ ဦးသေဆုံးကာ ၁၀ ဦးဝန်းကျင် ဒဏ်ရာရရှိခဲ့တယ်လို့ မြို့ခံတွေထံက သိရပါတယ်။
ဒီပေါက်ကွဲမှုနဲ့ ပတ်သက်ပြီး ဘယ်သူတွေ လုပ်ဆောင်တယ် ထိခိုက်ဒဏ်ရာရသူတွေဟာ ဘယ်သူတွေဖြစ်တယ်ဆိုတာတော့ လတ်တလော အတည်မပြုနိုင်သေးပါဘူး။
လားရှိုးမြို့ဟာ စစ်ကောင်စီတပ်ရဲ့ အရှေ့မြောက်တိုင်းစစ်ဌာနချုပ်တည်ရှိရာမြို့ဖြစ်ပြီး အာဏာသိမ်းပြီးကတည်းက မြို့ဝင် မြို့ထွက်တွေအပြင် မြို့တွင်းလုံခြုံရေးကိုလည်း အထူးတင်းကျပ်ထားတဲ့ မြို့ဖြစ်ပါတယ်။
